Руѓинце

Руѓинце — село во Општина Старо Нагоричане, Кумановско.

Оваа статија се однесува на село во Општина Старо Нагоричане. За селото во Општина Липково со старо име Ругинце, погл. Руница.

Руѓинце
Руѓинце Местоположба на Руѓинце во Македонија Руѓинце на карта
Координати 42°8′51″N 21°58′30″E
Регион	Североисточен
Општина	Старо Нагоричане
Област	Козјачија
Население	35 жит. (поп. 2021)[1]
Пошт. бр.	1314
Повик. бр.	031
Шифра на КО	17088
Надм. вис.	535 м
Руѓинце на општинската карта Атарот на Руѓинце во рамките на општината
Руѓинце на Ризницата

Географија и местоположба

Селото е сместено во областа Козјачија, околу 18 км североисточно од општинското средиште Старо Нагоричане. Северно од самото село минува автопатот А2, поточно делницата Куманово - Крива Паланка. Низ источниот дел на атарот, покрај неколку маала минува потокот Ругински Дол.

Историја

Подрачјето на селото е населено уште од железното време, за што сведочи наоѓалиштето Веља Страна.^[2]

На почетокот на XX век целото население било под врховенството на Бугарската егзархија. По податоци на егзархискиот секретар Димитар Мишев („La Macédoine et sa Population Chrétienne“) во 1905 г. во Ругинци имало 520 Македонци, сите под Егзархијата, и во селото работело бугарско училиште.^[3][4] Според тајна преписка на Бугарскиот конзулат во Скопје, во 1906 г. сите 65 куќи во селото под притисок на српската пропаганда го признале врховенството на Цариградската патријаршија.^[5]

Во учебната 1907/08 година според Јован Хаџи-Васиљевиќ во селото има работело српско патријаршиско училиште.^[6]

За време на Првата светска војна Ругинци имало 437 жители.^[7]

Население

Население во минатото

Година Нас. ±% 1948 612 —     1953 712 +16.3% 1961 692 −2.8% 1971 550 −20.5% 1981 308 −44.0%	Година Нас. ±% 1991 137 −55.5% 1994 124 −9.5% 2002 75 −39.5% 2021 35 −53.3%

Според германска карта издадена во 1941 година, а заснована на пописот на Кралството Југославија од 1931 година, селото имало 450 Македонци.^[8]

Според пописот од 2002 година, во селото Руѓинце имало 75 жители, сите Македонци.^[9]

Според последниот попис од 2021 година, во селото живееле 35 жители, од кои 30 Македонци, 1 Србин и 4 лица без податоци.^[10]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	—	520	612	712	692	550	308	137	124	75	35

Извор за 1900 г.: Македонија. Етнографија и статистика.^[11]; за 1905 г.: La Macédoine et sa Population Chrétienne.^[12]; за 1948-2002 г.: Државен завод за статистика на РМ.^[13]; за 2021 г.: Државен завод за статистика на РМ.^[14]

Родови

Руѓинце е македонско село.

Според истражувањата од 1971 година, родови во селото се:

• Староседелци: Нешинци (6 к.), Ивковци (6 к.) и Павловци (6 к.)
• Доселеници: Паланчанци (6 к.) доселени се од селото Радибуш кај Крива Паланка; Брештанци (6 к.) доселени се од селото Брешко; Калинци (5 к.) доселени се од селото Димонце; Чичарејци (1 к.) доселени се од селото Куклица кај Кратово; Анѓеловци (3 к.) доселени се од селото Орах; Николовци (4 к.) доселени се од некое околно село, козјачко; Додаци (6 к.), Мишаци (6 к.), Партурци (4 к.), Јовановци (2 к.), Милошовци (11 к.), Шолевци (1 к.), Мечкарци (2 к.) и Газдевци (5 к.) доселени се, но не знаат од каде; Арсевци (3 к.) они се православни Роми.^[15] Доселени се од селото Коњух.

Иселеништво

После Втората светска војна многу население се иселиле во разни градови од бивша Југославија.

Постари и понови иселеници имало и во Макреш (Младенови), Анѓеловци се иселиле некаде во Србија. А исчезнале и Глогинци.

Културни и природни знаменитости

Црквата „Св. Петка“

Цркви

• Црква „Св. Петка“ (изг. 1894 г.)^[16]

Археолошки наоѓалишта^[2]

• Веља Страна — населба од железно време
• Градиште — утврдена населба од доцноантичко време
• Големо Рамниште — населба од средниот век
• Медведица — населба од средниот век