Плавуш

Плавуш — село во Општина Валандово, југоисточна Македонија. Денес нема жители.^[2]

Плавуш
Плавуш Местоположба на Плавуш во Македонија Плавуш на карта
Координати 41°22′46″N 22°30′05″E
Регион	Југоисточен
Општина	Валандово
Област	Бојмија
Население	0 жит. (поп. 2021)[1]
Повик. бр.	055
Шифра на КО	04015
Надм. вис.	500 м
Плавуш на општинската карта Атарот на Плавуш во рамките на општината
Плавуш на Ризницата

Географија и местоположба

Селото се наоѓа во областа Бојмија, на северозсападните падини на планината Плавуш, на надморска височина од 500 м. Атарот е доста голем, со површина од 22,6 км².^[3]

Под селото, во западен правец тече Дузлаџик Дере, која на работ од атарот се влева Аразлиска Река; таа пак завршува на неколку километри југозападно како лева притока на Вардар меѓу Удово и Ѓулели.

Историја

На крајот од XIX век Плавуш било претежно турско село во Дојранската каза на Отоманското Царство. Во „Етнографија на вилаетите Адријанопол, Монастир и Салоника“ се вели дека во 1873 г. Плавеш (Plavech) било село со 200 домаќинства сочинети од 420 муслимани.^[4] Според статистиката на Васил К’нчов („Македонија. Етнографија и статистика“) од 1900 г. селото имало 1.012 жители, од кои 1.000 Турци и 12 Роми.^[5]

Селото било срамнето со земја при Валандовскиот земјотрес во 1931 година.^[6]

Население

Население во минатото

Година Нас. ±% 1948 242 —     1953 262 +8.3% 1961 74 −71.8% 1971 23 −68.9% 1981 0 −100.0%	Година Нас. ±% 1991 0 0.00% 1994 0 0.00% 2002 0 0.00% 2021 0 0.00%

Според германска карта издадена во 1941 година, а заснована на пописот на Кралството Југославија од 1931 година, во селото имало 200 Турци.^[7]

Во последните децении на XIX век селото доживеало голем раст, кој траел и во првите децении на XX век. Ова се променило во 1950-тите, кога населението трикратно опаднало поради иселувањето во Турција. Селото продолжило да се празни и во 1960-тите, така што до крајот на деценијата не останал ниту еден Турчин. Интересно е да се забележи дека на пописот од 1971 г. во Плавуш се заведени 23 лица, од кои сите под графата „останати“.^[8] Нејасно е дали станува збор за грешка или некакво привремено сместување на друго население. Во текот на следните години селото сосема се испразнило. Според пописот од 2002 година, Плавуш немало ниеден жител.^[2] Истото било потврдено и на пописот во 2021 година.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	1.012	—	242	262	74	23	0	0	0	0	0

Извор за 1900 г.: Македонија. Етнографија и статистика.^[9]; за 1905 г.: La Macédoine et sa Population Chrétienne.^[10]; за 1948-2002 г.: Државен завод за статистика на РМ.^[11]; за 2021 г.: Државен завод за статистика на РМ.^[12]