Портички мост

Портички мост (грчки: Γεφύρι Πορτίτσας) — стар камен мост во Гребенско, Егејска Македонија.^[1]

Портички мост Γεφύρι Πορτίτσας
Поглед на мостот
Координати	39°59′46.1″N 21°17′7.3″E
Преминува	Венетик
Место	Спилио, Гребенско, Егејска Македонија
Зашт. статус	споменик на културата
Претходен	Мацанганов мост
Следен	Заловски мост
Особености
Вид	лачен
Материјал	камен
Вкуп. должина	34 м
Ширина	2,7 м
Висина	7,8 м
Најдолг распон	13,8 м 5 м (помалиот)
Распони	2
Историја
Завршен	1743
Местоположба

Мостот ја преминува реката Венетик, на 45 км југозападно од градот Гребен. Ги поврзува селата Спилио и Монахит, на источните возвишенија на Пинд. Сместен е на крајот на долината Канави, точно пред почетокот на впечатливата клисура Портица. Изграден е во 1743 г. со средства собрани од манастирот „Успение на пресв. Богородица“. Има два лака, од кои поголемиот има распон од 13,8 м, а помалиот од 5 м. Вкупната должина на мостот изнесува 34 м, широк е 2,7 м, а висок 7,8 м.^[2][3]

Во 1995 г. мостот е прогласен за споменик на културата.^[4]