Рамни Габер

Рамни Габер — село во Општина Студеничани, во околината на град Скопје.

Рамни Габер
Рамни Габер Местоположба на Рамни Габер во Македонија Рамни Габер на карта
Координати 41°51′50″N 21°31′9″E
Општина	Студеничани
Население	20 жит. (поп. 2021)[1]
Шифра на КО	25114
Надм. вис.	682 м
Рамни Габер на општинската карта Атарот на Рамни Габер во рамките на општината
Рамни Габер на Ризницата

Географија и местоположба

Селото се наоѓа во областа Торбешија.

Историја

Во XIX век, селото е дел од нахијата Каршијак во Скопската каза во Отоманското Царство.

Население

Население во минатото

Година Нас. ±% 1948 284 —     1953 305 +7.4% 1961 260 −14.8% 1971 167 −35.8% 1981 144 −13.8%	Година Нас. ±% 1991 0 −100.0% 1994 66 —     2002 39 −40.9% 2021 20 −48.7%

Според опширните османлиски дефтери за населението на Скопската Каза од 1832/33 година, селото било муслиманско, со 18 муслимански домаќинства. На овој попис биле забележани 53 мажи муслимани, со 7 новороденчиња. Се проценува дека селото во тој период имало 120 жители.^[2]

Стефан Верковиќ во 1857 го бележи со 112 жители.^[3]

Според статистиката на Васил К’нчов („Македонија, Етнографија и статистика“) од 1900 година, во Рамни Габер живееле 180 жители, сите Албанци.^[4]

Според германска карта издадена во 1941 година, а заснована на пописот на Кралството Југославија во 1931 година, селото имало 200 Албанци.^[5]

Според пописот од 2002, селото брои 39 жители, сите Албанци.^[6]

Според последниот попис од 2021 година, во селото живееле 20 жители, од кои 7 Албанци и 13 лица без податоци.^[7]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	180	—	284	305	260	167	144	0	66	39	20

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]

Родови

Рамни Габер е албанско село.

Според истражувањата од 1950 година. Родови во селото биле:

• Доселеници: Шаље (10 к.) потекнуваат од фисот Шаља во северна Албанија. Овде живеат од крајот на XVIII век; Џоке (5 к.) потекнуваат од северна Албанија. Од таму се иселиле во околината на Ѓаковица, па потоа се доселиле во Рамни Габар. Овде живеат од почетокот на XIX век; Тураш (8 к.) доселени се од северна Албанија; Ѓач (16 к.) потекнуваат од фисот Гаш. Од старото место се иселиле тројца браќа преку Косово се населиле најпрво во Црвена Вода, таму еден од браќата убил некој Албанец од селото Драчевица во кавга за земја, па затоа се населиле во селото Рамни Габер, во Црвена Вода имаат роднини; Калис (2 к.) потекнуваат од фисот Калиса во северна Албанија; Ѓеч (4 к.) потекнуваат од фисот Тсач во северна Албанија. Имаат роднини во селото Вртекица кај Качаник; Фанд (1 к.) потекнуваат од фисот Гаш во северна Албанија. Таму живееле во областа Фанде.^[12]

Поврзано

• Торбешија
• Општина Студеничани
• Студеничани