Рипсимија

Рипсимија (старословенски: Риѱимиѧ) — македонска благородничка од ерменско потекло, сопруга на комитот Никола и мајка на комитопулите — браќата Давид, Мојсеј, Арон и Самоил, подоцна Цар Самоил, владетел на средновековното Македонско Царство.^[1]

Рипсимија
Самоиловиот натпис од 993 г.
Роден(а)	?
Починал(а)	пред 993
Занимање	македонска благородничка
Активен период	X век
Сопружник	Комит Никола
Деца	Давид, Мојсеј, Арон и Самоил

За нејзиниот живот не се знае речиси ништо. Нејзиното име е познато од прилогот на епископот Михаил Деволски кон летописот на Јован Скилица. Познато е дека починала нешто пред 993 г., од кога датира познатиот Самоилов натпис од црквата „Св. Герман“ во с. Герман, Преспанско, поставен од Царот Самоил во спомен на неговите родители и брат му Давид врз нивниот гроб (кој не е пронајден).

Го носела името на популарната ерменска светица Рипсиме, која маченички умрела во 290 г. Ова сознание служи како аргумент за тезата за ерменскиот удел во Охридската династија.^[2][3] Постои претпоставка дека била ќерка на ерменскиот цар Ашот II и царицата Марија од Качум.^[4]

Семејна лоза

Семејно дрво на Рипсимија

Никола       Рипсимија од Ерменија                                                                           Арон   Мојсеј   Давид   Цар Самоил       Агата                                                                                           Јован Владислав   Теодора Косара   Мирослав   Ирина       Гаврил Радомир       Унгарска принцеза                                                                                                 неколку синови и ќерки       Петар Делјан

Поврзано

• Комитопули
• Самуилово Царство
• Самоилов натпис