Салтакли (Лагадинско)

Салтакли, Салтикли или Салдакли (грчки: Καλόκαστρο, Калокастро; до 1927 г. Σαλτικλή, Салтикли^[2]) — село во Лагадинско, Егејска Македонија, денес во општината Долна Џумаја на Серскиот округ, Грција. Сè до 1920-тите било населено со Турци.^[3]

Салтакли Καλόκαστρο
Салтакли
Местоположба во областа Салтакли Местоположба на Салтакли во Серскиот округ и областа Централна Македонија
Координати: 41°0.53′N 23°20.7′E
Земја	Грција
Област	Централна Македонија
Округ	Серски
Општина	Долна Џумаја
Општ. единица	Орљак
Надм. вис.	&1000000000000008000000080 м
Население (2011)[1]
• Вкупно	242
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓа на 30 км западно од градот Сер, во североисточното подножје на Богданска Планина.

Историја

Средновековие

Веднаш јужно од Салтакли лежи средновековната тврдина Хисар.^[4]

Во Отоманското Царство

Според Васил К’нчов („Македонија. Етнографија и статистика“) во 1900 г. Салдакли било село во Лагадинската каза со 200 жители Турци.^[5]

Во Грција

За време на Првата балканска војна селото е окупирано од бугарска војска, а по Втората балканска војна во 1913 г. е припоено кон Грција согласно Букурешкиот договор. Истата година населението броело 281 жител, кои во 1920 г. се намалиле на 180 лица.^[3] Во 1924 г. жителите се иселени во Турција по сила на Лозанскиот договор, а на нивно место се доведени грчки колонисти. Така, на пописот од 1928 г. селото се води како чисто дојденско со 315 жители.^[3]

Меѓу селата Салтакли и Орљак за време на Првата светска војна постоела британска полска воена болница, на чие место подоцна се направени Британските воени гробишта.

Во 1960-тите дошло до значаен пад во бројот на жители поради иселување на населението во поголемите градови.

Месности во Салтакли преименувани со службен указ на 6 јули 1968 г.

Име	Грчки	Ново име	Грчки	Опис
Дери Дере[6]	Ντερί Ντερέ	Ватирема	Βαθύρεμα[7]	река на СЗ од Салтакли[6]
Салтакли[6]	Σαλτικλή	Еримо Рема	Έρημο Ρέμα[7]	река на Ј од Салтакли[6]
Копач Дере[6]	Κοπατσινό	Скапанис Рема	Σκαπάνης Ρέμα[7]	река на Ј од Салтакли[6]
Караџали[6]	Καρατζαλή	Мавро Агати	Μαύρο Άγκάθι[7]	река на Богданска Планина на ЈЗ од Салтакли, лева притока на Копач Дере[6]
Мезарија[6]	Μεζάρια	Мнимата	Μνήματα[7]	возвишение на Богданска Планина на ЈЗ од Салтакли (418 m)[6]
Башќој[6]	Μπασκιόϊ	Толос	Θόλος[7]	возвишение на Богданска Планина (420,9 м)[6] и река[8]
Махмутљу[6]	Μαχμουτλιού	Нистрагменон Рема[7]	Νυστραγμένον Ρέμα	река на Богданска Планина на ЈЗ од Салтакли, лева притока на Копач Дере[6]
Коџакуз[6]	Κοτζακούζ[7]	Рема Мегалу Пулиу	Ρέμα Μεγάλου Πουλιού[9]	река на Богданска Планина на ЈЗ од Салтакли, лева притока на Копач Дере[6]
Салтакли[6]	Σαλτικλνή	Рема Епта Пигадион	Ρέμα 'Επτά Πηγαδιών[9]	река на Ј од Салтакли[6]
Салтакли[6]	Σαλτικλή	Ерипија Епта Пигадион	Ερείπια Επτά Πηγαδιών[9]	урнатините на старото село Салтакли на ЈЗ од новото[6]

Население

Преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	442	507	575	358	332	322	368	242

Извор за 1940-1991 г.: Т. Симовски, Населените места во Егејска Македонија