Самоилово

Самоилово — село во Општина Ново Село, во околината на градот Струмица.

Куќи во селото

Црква „Успение на Пресвета Богородица“

ОУ „Мануш Турновски“

Самоилово
Панорамски поглед на Самоилово
Самоилово Местоположба на Самоилово во Македонија Самоилово на карта
Координати 41°24′28″N 22°54′0″E
Општина	Ново Село
Население	235 жит. (поп. 2021)[1]
Шифра на КО
Надм. вис.	312 м
Самоилово на општинската карта Атарот на Самоилово во рамките на општината
Самоилово на Ризницата

Географија и местоположба

Поглед од падините на Беласица на селото Самоилово во подножјето на планината Огражден

Самоилово се наоѓа во подножјето на планината Огражден, на надморска височина од 230 метри. Од најблискиот град Струмица е оддалечен 25 километри

Историја

Самоилово е најмлада населба во Струмичкиот регион, основана во 1971 година од жителите на соседните села Бадилен (70 %) и Бајково (30 %).

Тоа го добило името според Цар Самоил, односно според тоа што во близина се случила познатата Беласичка битка од 29 јули 1014 година, водена помеѓу македонската војска на Цар Самуил и византиската на Василиј II^[2]. Први жители и основачи на селото во 1971 година биле Костадин Митрев и Стојан Василев.

Население

Население во минатото

Година Нас. ±% 1948 — —     1953 — —     1961 — —     1971 — —     1981 285 —	Година Нас. ±% 1991 360 +26.3% 1994 370 +2.8% 2002 348 −5.9% 2021 235 −32.5%

Според пописот на населението на Македонија од 2002 година, селото има 348 жители, од кои 345 Македонци, 2 Срби и 1 останат.^[3]

Според последниот попис од 2021 година, во селото живееле 235 жители, од кои 218 Македонци, 1 Србин и 16 лица без податоци.^[4]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	—	—	—	—	—	—	285	360	370	348	235

Извор за 1900 г.: Македонија. Етнографија и статистика.^[5]; за 1905 г.: La Macédoine et sa Population Chrétienne.^[6]; за 1948-2002 г.: Државен завод за статистика на РМ.^[7]; за 2021 г.: Државен завод за статистика на РМ.^[8]

Општествени установи

Во 1996 година била изградена црквата „Св. Богородица“, а селската слава се одбележува на 28 август.

Училиштето ОУ „Мануш Турновски“ со работа во 1973 година, а новата училишна зграда датира од 1986 година. Селото е електрифицирано, има водовод, а во близина поминува реката Василица.

Самоуправа и политика

Избирачко место

Во селото постои избирачкото место бр. 1790 според Државната изборна комисија, сместени во просториите на дом на културата.^[9]

На претседателските избори во 2019 година, на ова избирачко место биле запишани вкупно 302 гласачи.^[10]