Снежана Конеска Руси

Снежана Конеска Руси (родена на 8 декември 1952 во Ниш) — македонска театарска, филмска и телевизиска глумица, и режисерка. Снежана Конеска во својата кариера има одиграно поголем број театарски претстави и филмски улоги.

Снежана Конеска Руси
Роден(а)	8 декември 1952(1952-12-08) (72 г.) Ниш, НР Србија, ФНРЈ
Националност	Македонка
Занимање	глумица режисер
Активен период	1972 - денес
Познат(а) по	по улогата во: Македонски народни приказни Премиера Големи и мали Вистинска љубов Трето па машко Звукот на светлината

Животопис

Снежана Конеска Руси е родена во Ниш, НР Србија, ФНР Југославија на 8 декември 1952. Конеска се преселила во Скопје, каде завршила своето основно и средно образование. Таа дипломирала на Факултетот за драмски уметности (1975/ 1976) во класата на професорите Владимир Милчин и Љубиша Георгиевски. Таа била успешен студент и била прогласена за најдобар студент за 1976 година.^[1]

Македонската јавност ја запаметила Конеска по своите први улоги и придонеси на Детската радио драма во МРТ, каде била член од 1963 до 1973 година. Од 1972 до 1978 година била водител на Македонското радио. Своите први улоги ги одиграла во 1973 година, а во 1975 година ја добила и наградата за најдобар млад глумец од списанието „Млад борец“. Од 1978 година станала редовен член на Македонскиот народен театар, и работи се до нејзиното пензионирање во 2019 година. Таа била директор на Македонски народен театар во периот од 2000 до 2004 година.^[1] Мајка е на едно дете, ќерка.

Награди

Некои од наградите на Снежана Конеска се:^[1]

• 1974: Награда доделена од весникот „Млад борец“, за успешен млад актер за улогата на ликот Девојката во претставата „Димна Јуда, град градила“ и за монодрамата „Ана Франк“
• 1976: Награда за епизода за улогата на Слепата девојка во „Крчма под зеленото дрво“ на ТИ „Војдан Чернодрински“
• 1991: Најдобро глумечко остварување за ликот Маргарита во „Ричард Трети“ на ТИ „Војдан Чернодрински“
• 1992: Добитник на Наградата „13 Ноември“ на Град Скопје
• 2019: Награда за животно дело „11 Октомври“
• 2024: Трета награда на анонимен отворен конкурс за монодрамски текст „BIVIR“ (Да живееш, да преживееш), во Домот на култура − Битола, излезена во печат книгата „Слободата живее тука“
• 2025: Награда за животно дело МТФ "Војдан Чернодрински"^[2]

Филмографија

Година	Филм	Улога
1973	Залез зад езерската земја ТВ-серија	Аскина сестра
1975	Прва вечер ТВ-филм
1980	Учителот ТВ-филм
1983	Премиера ТВ-филм
1985	Од зад грб ТВ-филм
1987	За трошка среќа ТВ-филм	Маруле
1989-1992	Тврдокорни ТВ-серија	Мајката
1990-1991	Еурека ТВ-серија
1991-1992	Македонски народни приказни
1993	Дајте музика ТВ-серија	Снешка
1997	Џипси меџик ТВ-филм
2000	Погрешно време ТВ-серија	Лимба
2000	Големи и мали ТВ-серија	Директорката
2000-2001	Светот има осум страни ТВ-серија
2000-2001	Во светот на бајките ТВ-серија
2002	Звукот на светлината ТВ-филм	Невена
2002	Наше маало ТВ-серија	Комшивка
2003	Нежната прашина на заборавот ТВ-серија
2007-2010	Народни приказни ТВ-серија
2008	Куќен совет ТВ-серија
2011	Трето па машко ТВ-серија	Рајнето
2015	Македонски народни приказни ТВ-серија
2016	Вистинска љубов ТВ-филм	Рајна
2016-2017	Македонски приказни ТВ-серија
2019-2021	Дајте музика ТВ-серија	Снешка
2022-2023	Бистра вода ТВ-серија

Надворешни врски

• Животопис на Снежана Конеска Руси, Македонски народен театар
• Снежана Конеска Руси: Мојот сон и јаве – театарот!
• Снежана Конеска Руси на Семрежната филмска база на податоци (англиски)