Стиник

Стиник — село во Општина Ново Село, во околината на градот Струмица.

Стиник
Стиник Местоположба на Стиник во Македонија Стиник на карта
Координати 41°28′0″N 22°55′0″E
Општина	Ново Село
Население	21 жит. (поп. 2021)[1]
Шифра на КО	27065
Надм. вис.	630 м
Стиник на општинската карта Атарот на Стиник во рамките на општината
Стиник на Ризницата

Географија и местоположба

Стиник се наоѓа на планината Огражден, на надморска височина од 800 метри.

Историја

Селото го добило името од зборот „стена“ (ѕид, камена ограда) или „стина“ (разурната ѕидина, распаднат куп камења). Стиник е прилично старо село. Првин се наоѓало 2 км северно од денешното село Самоилово. Таа област и денес се вика Старо Стиник. Но поради недостаток на вода, населението било принудено да се пресели на денешното место. Во статистиката на Стефан Верковиќ се вели дека селото имало 525 жители. Црквата „Свети Спас“ е изградена во 1860 година, а со славењето на овој светец, празнува и целото село.

Пред Балканските војни, селото се наоѓало во состав на Петричката околија.

Стопанство

Население

Население во минатото

Година Нас. ±% 1948 374 —     1953 450 +20.3% 1961 399 −11.3% 1971 341 −14.5% 1981 227 −33.4%	Година Нас. ±% 1991 129 −43.2% 1994 113 −12.4% 2002 58 −48.7% 2021 21 −63.8%

Според германска карта издадена во 1941 година, а заснована на пописот на Кралството Југославија од 1931 година, селото имало 400 Македонци.^[2]

Поради оддалечноста од општинскиот центар, населението постепено се иселува од селото. Во 1953 година овде живееле 450 жители, а според пописот од 2002 година, во Стиник живеат само 16 семејства, односно 58 жители, сите Македонци со православна вероисповед.

Според пописот на населението на Македонија од 2002 година, селото има 58 жители, сите Македонци.^[3]

Според последниот попис од 2021 година, во селото живеел 21 жител, од кои 15 Македонци и 6 лица без податоци.^[4]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	700	896	374	450	399	341	227	129	113	58	21

Извор за 1900 г.: Македонија. Етнографија и статистика.^[5]; за 1905 г.: La Macédoine et sa Population Chrétienne.^[6]; за 1948-2002 г.: Државен завод за статистика на РМ.^[7]; за 2021 г.: Државен завод за статистика на РМ.^[8]

Општествени установи

Телефонска говорница во Стиник

Самоуправа и политика

Избирачко место

Во селото постои избирачкото место бр. 1780 според Државната изборна комисија, сместени во просториите на основното училиште.^[9]

На претседателските избори во 2019 година, на ова избирачко место биле запишани вкупно 61 гласач.^[10]

Културни и природни знаменитости

Селото импонира со својата стара селска архитектура, карактеристична за македонските села од пред 100 години. Куќите се направени со чардаци, каде што може да се забележат столови-троножци, синии, бутими, разбои. Луѓето изработуваат природни сокови, ракија, сирење, одгледуваат пчели, овци, кози и свињи. Сето тоа го доловува животот на македонското село од пред стотина години.

Редовни настани

Личности

• Алексо Поројлијата (1864 - 1903), македонски револуционер

Култура и спорт

Иселеништво