Суза
From Wikipedia, the free encyclopedia
Remove ads
Суза („Шуш“; ерменски (Shushan); грчки: Σοῦσα [sousa]); сириски: ܫܘܫ (Shush); староперсиски Çūšā) — поранешен град во еламското, персиското и партиското царство, расположен во подножјето на планината Загрос на околу 250 км источно од реката Тигар, помеѓу реките Карке и Дез. Модерниот ирански град Шуш се наоѓа точно на местото на поранешниот град Суза. Шуш е административен центар на општината Шуш во иранската покраина Хузестан, со популација од 64.960 жители во 2005 година.[1]
Remove ads
Историја
Во историската литература, градот Суза се појавува уште во најраните Сумерски записи, т.е. опишан е во Енмеркар и господарот на Арата. Градот Суза исто така е спомнат и во Кетувимот на Хебрејската библија.
Праеламци
Во урбаната историја, Суза е еден од најстарите познати населени места во регионот и во светот воопшто, најверојатно основан околу 4200 гпне (Види Список на најстари постојано населени градови); иако првите траги на неолитски населби датираат од околу 7000 гпне. Траги на сликани садови датираат од пред околу 5000 п.н.е. Името на градот на еламски се пишувало на различни начини: Ŝuŝan, Ŝuŝun, итн.
Еламити
Суза бил главен град на државата наречена Шушан, која зафаќала приближна површина како денешната покраина Хузестан. Контролата над Шушан честопати била менувана помеѓу Еламците, Сумерците и Акадците. Шушан понекогаш по грешка се поистоветува со Елам, но тој бил различен и посебен културен и политички ентитет.[2] Шушан од страна на Саргон Велики бил приклучен кон Акадијската империја некаде околу 2330 гпне. Суза бил главен град на Акадијската провинција донекаде 2240 гпне, кога неговиот управител, Кутик-Иншушинак, се побунил, дигнал востание и го ослободил. Меѓутоа, градот бил повторно освоен од нео-Сумерската Ур-III династија, и задржан сè додека Ур не потпаднал во рацете на Еламците под водство на Киндату околу 2004 гпне. Во ова време Суза станува главен град на Еламското царство под водство на династијата Епартиди[2].
Асирци
Партијански, Сасанијански и Арапски периоди
Приближно еден век откако Партијанската империја стекнала независност од Селевкидската империја, Суза бил еден од главните градови на новата држава. После Селевкија, Суза бил најголем град во Месопотамија во тоа време.[3]
Суза била разрушувана најмалку трипати. Првиот па во 647 гпне, од Асурбанипал. Вториот пат во 638 гпне, кога муслиманските војски за првпат ја завладеале Персија. Конечно, во 1218, градот бил целосно уништен при навалата на Монголците.
Remove ads
Археологија
Градот бил проучуван во 1826 година од страна на Хенри Ролинсон а подоцна и од Остен Хенри Лејард. 185 година, направени се сериозни истражувања и ископувања од страна на Вилијам Лофтус, со кои се идентификувала Суза.[4]
Слики
Писмо на Партијанскиот крал Артабан III до жителите на Суза во првиот век (градот ги задржал македонските институции од времето на Селевкидската империја). Музеј Лувр.
Исламска уметност: Чаша со цветови од роза, 8–9 век
Антропоиден саркофаг
Лав на декоративен панел од палатат на Дариј I Велики
Исламска уметност: Вазна со палмини дрва, 8–9 век
Крилата сфинга од палатата на Дариј Велиики во Суза.
Гробницата на Даниел
Нинурсаг со духот на шумата до седумте космички дрва на животот. Релјеф од Суза.
Поврзано
- Шуш
- Историја на Иран
- Хамурабиев законик
- Еламско царство
- Хузестан
Наводи
Наводи
Надворешни врски
Wikiwand - on
Seamless Wikipedia browsing. On steroids.
Remove ads