Таранеш (Селокуќи)

Таранеш — археолошко наоѓалиште во дебарското село Селокуќи. Претставува населба и некропола од римско и доцноантичко време. Се наоѓа на северната периферија на селото, во маалото Таранеш, помеѓу реките Црн Дрим и Поповска Река, каде на високо зарамнето плато со форма на неправилен триаголник кое благо се спушта кон реката се гледаат фрагменти од керамички садови, питоси, тегули, имбрекси и кршен камен. Во приватна нива, во октомври 1982 година било извршено заштитно ископување при што бил откриен гроб - тип циста, во кој како гробни прилози се најдени: златна крстовидна фибула, сребрена позлатена чинија, сребрен ѓум, прибор за пишување, коскени жетони за игра, чаша дијатрета, две вретенести фиоли, железна секира и други предмети од сребро. Наодите се чуваат во Музејот на Македонија во Скопје.^[1] Најпознат артефакт во наоѓалиштето е дијатретата, која е од „келнски тип“, т.е таа е најбогато украсена.

„Таранеш“
Местоположба	41°32′8″N 20°29′13″E
Основни податоци
Место	Селокуќи
Општина	Дебар
Тип	населба  некропола
Период	римско време
	доцноантичко време
Портал „Археологија“

Поврзано

• Таранешка дијатрета — најпознатиот артефакт пронајден во наоѓалиштето Таранеш;
• Мерсуид — средновековна некропола;
• Мојсиева Црква — средновековна црква и некропола;
• Стара Црква — доцноантичка некропола;
• Шулон — средновековна некропола;
• Музлагица — неолитска населба;
• Селокуќи;
• Список на археолошки наоѓалишта во Дебарско;