Тања Бошковиќ

Татјана Бошковиќ (Белград, 27 јуни 1953) е српска глумица. Со четириесет години плодна театарска, телевизиска и филмска кариера, таа била крунисана со најголемите награди и признанија.

Тања Бошковиќ
Тања Бошковић
Бошковиќ во 1975 г.
Роден(а)	27 јуни 1953(1953-06-27) (72 г.) Аранѓеловац, СР Србија, СФРЈ
Националност	српско
Занимање	глумица
Активен период	1974–сега

Биографија

Родена била на 27 јуни 1953 г. во Белград.^[1] Бошковиќ живеела во Аранѓеловац до седумнаесетгодишна возраст, а потоа во Белград, а кратко време и во Њујорк. Татко и Велизар бил директор на средно училиште и професор по литература, како и мајка и Иванка. Таа има сестра, Славенка и е мајка на две деца: ќерка Лана и син Ѓорѓе.

Средно училиште завршила во Аранѓеловац, а дипломирала на Факултетот за драмски уметности во Белград во 1973 г. во класата на професорот Предраг Бајчетиќ.^[2] Со неа во класата биле Горица Поповиќ, Радмила Живковиќ, Јелица Сретеновиќ, Милан Штрљиќ, Љиљана Драгутиновиќ, Бранко Јериниќ и Злата Нуманагиќ. Својот прв професионален настап го имала на 19 јануари 1973 година.^[3]

Бошковиќ ја одиграла својата прва главна улога во 1974 г. во филмот Кошава. Истата година, игрла во серијата Диви јагоди.

Одиграла значајни улоги во филмовите Мајстори, мајстори, Човек со четири нозе, Полицаец од Петлово Брдо, Војна во живо, Окупација во 26 слики, Балкански правила, Те сакам најмногу на светот и Петтата пеперутка , а на публиката ѝ е најпозната по улогата на пејачка во филмот Балкан експрес и по улогата на Лола Голубовиќ во ТВ серијата Среќни луѓе.

Соработувала со најголемите југословенски и европски режисери, како Дарко Бајиќ, Горан Марковиќ, Лордан Зафрановиќ, Здравко Шотра, Душан Макавеев, Вељко Булајиќ, Бранко Балетиќ, Лола Ѓукиќ, Михаило Вукобратовиќ, Горчин Стојановиќ, Александар Ѓорѓевиќ, Драгослав Лазиќ, Зоран Чалиќ, Драган Бјелогрлиќ, Милорад Милинковиќ, Југ Радивојевиќ и др.

Во 1970-тите, била голема ѕвезда на мјузиклите воТеатарот Теразије, а од 1986 година станала постојан член на театарот Ателје 212.

Во првата сезона од шоуто Танц со ѕвездите, настапувала со осумнаесетгодишниот Марко Мициќ и го освоиле второто место.

Била во брак со режисерот Дејан Караклајиќ, со кого имаат син Ѓорѓе и ќерка Лана Караклајиќ.

Избрани награди и признанија

• Награда Жанка Стокиќ, за извонреден придонес во српската филмска, телевизиска и театарска уметност, 2020 година.
• Златен печат на Југословенската кинотека за извонреден придонес во филмската уметност, 2014 година.
• Златен платан за животно дело, на Медитеранскиот и европскиот филмски фестивал во Требиње, 2016 година. година.
• Награда за животно дело на фестивалот за хумор и сатира „Златен шлем“ во Крушевац, 2015 година.
• Награда „Киненова“ за целокупен придонес во светската кинематографија, Скопски фестивал 2019 година
• Статуета Ќуран, за улогата на Амелија во претставата „Договор со Амелија“ на Денови на комедија во Јагодина, 1984 година. година.
• Зоранов Брк, за улогата на Грета Гарбо во претставата „Тајната на Грета Гарбо“, 21. Денови на Зоран Радмиловиќ Заечар, 2012 година.
• Зоранов Брк, за неговата улога во претставата „Петра“. 28. 21. денови на Зоран Радмиловиќ Заечар, 2019 година.
• Голема повелба за женската улога во филмот „Балкан експрес“, на Филмските средби во Ниш, 1983 година.
• Повелба за извонредна женска улога во филмот „Те сакам најмногу на светот“, на Филмските средби во Ниш, 2003 година.
• Награда на Здружението за одбрана на кирилицата .
• Награда за најдобра женска улога, во филмот „Те сакам најмногу на светот“, на фестивалот во Варна .
• Награда за најдобра глумица за улогата на Марија Калиќ во претставата „Солзите се во ред“, на 25-ти Деновите на Нушиќ во Смедерево, 2008 година.
• Награда за најдобра женска улога во претставата „Солзите се во ред“, Театарски фестивал Добој, 2008. година.
• Плакета за најдобро актерско остварување „Во чест на Жанки“ за улогата на Даша во претставата „Велики талас“, 2015 година.
• Златна плакета на Југословенската кинотека, 2014 година.
• Лауреат на фестивалот „Ристо Шишков“, Струмица, 2017 година.
• Почесен граѓанин на Херцег Нови, 2018 година
• Награда Јанош Тот за актерска бравура, за улогата на Хана во претставата „Флешденс“ од театарот Теразије, 2021 година