Теовски јавор

Теовски јавор — јавор којшто се наоѓа на сретселото во азотското село Теово, пред влезот на главната селска црква „Св. Атанасиј“.

Теовски јавор
МСЗП — Категорија III (споменик на природата)
Поглед на јаворот на сретсело во Теово
Место	Теово, Општина Чашка
Најблизок град	Велес
Координати	41°34′42″N 21°34′19″E
Ознака	споменик на природата
Прогласено	1983 (1983)

Со закон е заштитен како споменик на природата од 5 јули 1983 година.

Местоположба

Јаворот се наоѓа на сретсело во азотското село Теово.

Јаворот за теовци претставува средиште на сите случувања. Под него, на местото на некогашниот бунар, се наоѓа фонтана. Местото под јаворот целото е поплочено и оградено. Навечер него го осветлуваат неколку електрични светилки. Тука за време на селските слави и собири се играло орото и се пеела македонската песна.^[1]

Историја

Се претпоставува дека јаворот е стар околу пет или шест века. Се верува дека е посаден во XV век, односно во 1478 година.^[2]

Никој точно не знае кој го насадил јаворот. Но, според кажувањата на мештаните, најверојатно го засадил некој од турските бегови, кој го донел од Грција. Турците знаеле дека јаворите се вековни растенија и го засадиле како симбол на вековната империја. Според други кажувања, фиданката е засадена од првиот доселеник во селото.^[2]

Природни особености и околина

Од млада фиданка, од година на година, дрвото израснало во вистински џин. Мерењата покажуваат дека дебелината на јаворот изнесува десетина метри, а висок е околу 30 до 40 метри.^[2]

Галерија

• 
  Плоча под стариот јавор во селото
• 
  Поглед на јаворот
• 
  Поглед на јаворот

Поврзано

• Теово