Тихомир Јовановски

Тихомир Јовановски (Лазарополе, 1933 - Скопје, 13 мај 2011 ) — македонски економист, универзитетски професор и научник.

Тихомир Јовановски
Роден	1933 Лазарополе, Македонија
Починал	13 мај 2011 Скопје, Македонија
Занимање	економист, научник, издавач и универзитетски професор

Животопис

Јовановски е роден во 1933 година, во Лазарополе, а во 1969 докторирал на Економскиот факултет во Скопје, каде што бил професор до пензионирањето. Тој бил активен и како автор, при што издал повеќе научни трудови од областа на монетарната економија, го издавал и стручното списание „Економија и бизнис“, а бил активен и во асоцијациите на економистите. Во текот на својата академска кариера, Јовановски објавил околу 500 библиографски единици и трудови.

Во 1995 година, Јовановски бил одликуван со Орден на трудот со златен венец и Орден за заслуги за народ со сребрени зраци. исто така, тој е добитник и на наградата „11 Октомври“ за наука, за животно дело. Од 1983 до 1987 година бил вицегувернер на Народната банка на Југославија, а во 2009 година станал член на Српската академија за економски науки.^[1] Јовановски починал во Скопје, на 13 мај 2011 година, а бил погребан на градските гробишта во Бутел.^[2]