Тренко Тасески

Тренко Билбилов Тасески ( 1909 во Бигор Доленци — 1944 во Дебар) — македонски партизан, борец за слобода на Македонија и учесник во НОВ.^[1]

Животопис

По занимање бил земјоделец. Во Народноослободителната војска на Македонија стапил во летото 1943 година, во Групата баталјони, а подоцна станал борец на Првата македонско-косовска бригада. Со бригадата, тој заминал во егејскиот дел на Македонија, каде учествувал во познатиот Богомилски поход. Загинал во борбите за конечното ослободување на Дебар во есента 1944 година.^[1]

Една улица во градот Кичево е именувана со неговото име.^[2]

Поврзано

• Кичево и Кичевско во НОВ