Тришо Стојановски

Тришо Стојановски (Рајчица, 22 март 1938 - Скопје, 1 октомври 1986 ) — македонски писател и новинар^[1].

Животопис

Роден е на 22 март 1938 година во дебарското село Рајчица. Основно училиште завршил во Дебар, а учителска школа во Скопје. По завршувањето на учителската школа, тој работел две години како учител во Дебар, а потоа студира на Филозофскиот факултет на југословенска книжевност. За време на студиите е уредник на културната рубрика на весникот „Студентски збор“. Работел и во Радио Скопје. Починал на 1 октомври 1986 година во Скопје. Тој бил член на Друштвото на Писателите на Македонија од 1972 година.

Дела

Стојановски е автор на поезиите:

• Меѓу две реки - 1968 година
• Сочувана земја - 1972 година
• Немолклива земја - 1976 година
• Рајска земја - 1986 година

И соавтор на антологискиот избор:

• Огнови и време - 1971 година