Три Чешми (археолошко наоѓалиште)

Три Чешми — археолошко наоѓалиште во штипското село Три Чешми. Претставува населба од римското време. Лежи на 500 м југоисточно од селото, на левата страна од патот за Штип, во голем блок во сопственост на поранешен ЗИК „Црвена ѕвезда“.

„Три Чешми“
Местоположба	41°46′23″N 22°08′48″E
Основни податоци
Место	Три Чешми
Општина	Штип
Тип	населба
Период	римско време
Портал „Археологија“

Теренот е на блага падина со неколку ниски височинки на кои, уште во 1960 година, биле откриени остатоци од темели на поголеми објекти, градени од камен и вар, потоа фрагменти од керамички садови, питоси и тегули, делкани блокови од камен и рачни мелници. Најден е и долен дел од скулптурална претстава на божество на кој се гледа десното стапало поставено врз глава на овен.^[1]

Наодот се чува во Заводот и музеј во Штип.

Поврзано

• Список на археолошки наоѓалишта во Штипско