Јунион (остров)

Остров Јунион (англиски: Union Island) е остров во Свети Винцент и Гренадини. Островот е дел од архипелагот Гренадини. Јунион има вкупна површина од 9 км². Островот се наоѓа на 200 километри југозападно од независната држава Барбадос, а сосема блиску е до островите Каријаку и независната држава Гренада.^[1]

Остров Јунион

Union Island
Меѓународен аеродром Јунион Ајланд
Географија
Место	Карипски Острови
Координати	12°36′N 61°26′W
Површина	3,5 sq ми
Должина	3 ми (5 км)
Ширина	1 ми (2 км)
Највисоко место	999 ст (304,5 м)
Највисока точка	Табои
Држава
Свети Винцент и Гренадини
Најголема	Клифтон
Демографија
Население	~ 3,000 (2012)
Јазици	англиски, француски, германски
Дополнителни податоци
Часовен појас	ИКВ (UTC-4)
Мреж. место	Travel guide of Union Island with street map of the town

Clifton Harbour from the air

Главни населени места на островот се Клифтон и Ештон. Јунион има население од околу 3000 жители.^[2] Како и во остатокот од земјата, така и на Јунион службен јазик е англискиот.

На Јунион има и меѓународен аеродром, кој има домашни и меѓународни (претежно во околните држави) летови. Во непосредна близина на Јунион има две мали островчиња: Фригата и Хепи.

Географија

Островот има вкупна површина од 9 км². Јунион е долг 4.8 километри, а широк 1.6 километри. Највисока точка на островот е Табои со 304 метри надморска висина.

Јунион има полусува клима. Брдата на островот не се доволно високи за да се создадат чести врнежи.

Историја

Островот бил првично населен од Араваците и Карибите. Потоа, со европската колонизација, на островот дошле Французи и Англичани, претежно трговци со робови и сопственици на плантажи. Со нив тие донеле стотици Африканци, од регионот на Нигерија, Камерун, Ангола и Гана.

Кога било укинато ропството, луѓето продолжиле со земјоделството и риболовот.

Во 1970-тите имало мал револт на островот со што народот сакал островот да се отцепи од Свети Винцент и Гренадини и да се припои со Гренада. Овој револт брзо бил задушен.

Култура

За време на Велигден на островот има фестивали, поточно во Ештон и Клифтон. Цела седмица има организирано настани и перидот е познат како „Истервал“.

Во мај, на крајот на сушната сезона, се одржува настанот „Марун“. Овој настан е целодневен. Фестивалот е препознатлив по тапаните, пеењето и танцувањето. Овој фестивал се одржува поради исчекувањето на влажната сезона.

Галерија

• 
  Поглед кон плажа во Клифтон.
• 
  Пристаниште во Клифтон.
• 
  Меморијален парк во Клифтон.
• 
  Аеродромот во Клифтон.