Црква „Св. Атанасиј“ - Ничпур

Свети Атанасиј — главна селска црква во горнореканското село Ничпур.^[1] Црквата се наоѓа на неколку стотина метри југоисточно од селото.

Свети Атанасиј
Поглед на црквата
македонска православна црква
Епархија	Тетовско-гостиварска
Архијерејско намесништво	Гостиварско
Парохија	Мавровска
Местоположба
Координати	41°44′34″N 20°40′27.8″E
Место	Ничпур
Општина	Маврово и Ростуше
Држава	Македонија
Општи податоци
Покровител	Свети Атанасиј
Изградба	1995
Завршено	1996 (обовена)
Осветување	15 мај 1997
Архитектонски опис

Историја

Според мермерните плочи поставени околу влезната врата, црквата била обновена во периодот 1995-1996, а истата била осветена на 15 мај 1997 година.

Во 2014 година, црквата била ограбена и од неа биле одземени пет икони.^[2]

Архитектура

Градбата на црквата има четириаголна основа со полукружна апсида во задниот дел. Главната влезна врата е сместена од западната страна, а над неа има ниша со малтерисан крст и натпис во него. На јужната страна има споредна врата, над која има ниша со ликот на Свети Атанасиј, а околу неа има две мермерни плочи со податоци за годините на обнова и осветување на црквата. Објектот е изграден од камен и е покриен со лимен кров.

Во дворот на црквата се сместени камбанаријата и селските гробишта. Камбанаријата има примитивен изглед и се состои од четири железни столбови кои образуваат квадратна основа и се покриени со лимен кров.

Галерија

• 
  Црквата со камбанаријата
• 
  Главната влезна врата
• 
  Споредната влезна врата
• 
  Нишата со ликот на Свети Атанасиј и мермерната плоча над споредната врата
• 
  Мермерната плоча десно од споредната врата
• 
  Апсидата на црквата
• 
  Камбанаријата на црквата

Поврзано

• Ничпур
• Тетовско-гостиварска епархија
• Гостиварско архијерејско намесништво
• Мавровска парохија