Цунами

Цунами (јапонски: 津波 - пристаништен бран) (津 „цу“, пристаниште; 波 „нами“ — бран) — природна појава на огромни бранови што потекнуваат од земјотрес или вулканско избувнување, при што се поместуваат тектонските плочи на дното на морето и настанува привремено вознемирување на површината на океанот или морето. Исто така цунамите може да бидат создадени од удар од големи вселенски тела, како на пример метеорити.

Цунами од 2004 година во Индискиот Океан

Шема како настанува едно цунами

Настани

Повеќето цунами се случуваат во Тихиот Океан, но најсмртоносното цунами во историјата на човештвото се случило во индискиот океан во близина на Индонезија, на 26 декември 2004 при што починале околу 300.000 луѓе.

• 1605, Јапонија, 512 000 жртви.
• 1611, Јапонија, 5 000 жртви.
• 1674, Индонезија, 2 500 жртви.
• 1692, Јамајка, 3 000 жртви.
• 1703, Јапонија, 5 000 жртви.
• 1707, Јапонија, 30 000 жртви.
• 1746, Перу, 4 000 жртви.
• 1755, Португалија, 90 000 жртви.
• 1766, Јапонија, 1 500 жртви.
• 1782, Кина, 40 000 жртви.
• 1792, Јапонија, 15 000 жртви.
• 1854, Јапонија, 3 000 жртви.
• 1868, Чиле, 25 000 жртви.
• 1883, Индонезија, 40 000 жртви (поради избувнување на вулканот Кракатау).
• 1896, Јапонија, 25 000 жртви.
• 1899, Индонезија, 3 500 жртви.
• 1923, Јапонија, 2 000 жртви.
• 1933, Јапонија, 3 000 жртви.
• 1976, Целебес (Индонезија), 8 000 жртви.

Јапонија е држава со најредовни земјотреси и цунами. Многу активни тектонски плочи се наоѓаат на нејзината територија и особено во тихиот океан во јапонската околина. Во јапонската историја се регистрирани околу 200 цунами.

Цунамито во популарната култура

• „Нуркање во цунамито“ (англиски: Duckdiving the Tsunami ) - песна на македонската рок-група Molokai од 2012 година.^[1]