Јадрени малајско-полинезиски јазици

Јадрените малајско-полинезиски јазици се гранка на австронезиското семејство^[1] за скои се смета дека со време се распрснале од нивната прататковина, островот Сулавеси. Се нарекуваат „јадрени“ бидејќи го сочинуваат концептуалното јадро на малајско-полинезиското семејство. Овие јазици се среќаваат ширум Индонезија, со исклучок на средишниот дел на Борнео, Сабах и северот на Сулавеси, како и во Меланезија и тихоокеанското подрачје.

Јадрени малајско-полинезиски јазици
Географска распространетост:	Југоисточна Азија и тихоокеанско подрачје
Класификација:	австронезиски пајванско ? малајско-полинезиско индомеланезиско јадрени малајско-полинезиски јазици
Гранки:	сундско-сулавеска гранка централно–источна гранка
Главни гранки на јадрените малајско-полинезиски јазици:   сундско–сулавеска (чаморскиот е вон картата)   централна малајско-полинезиска   источна малајско-полинезиска   океанска (највеќето се вон картата)

Групата ги содржи јазиците што го напуштиле т.н. „австронезиско порамнување“ наследено од прамалајскополинезиската синтакса. Тука спаѓаат традиционалните географски групи како централните, источните, и дел од западните малајско-полинезиски јазици, дел кој се нарекува внатрешни малајско-полинезиски јазици.

Затоа, внатрешните малајско-полинезиски јазици (сундско-сулавеските) се дефинираат негативно, т.е. оние јазици на Сунда и Сулавеси кои не се вбројуваат во централно-источните малајско-полинезиски јазици. Централно-источните претставуваат подрачна група, различна од останатите малајско-полинезиски јазици поради нивните неавстронезиски (папуански) супстрати, наместо поради некаква генеалошка сродност.

Јазици

Јадрените малајско-полинезиски јазици се состојат од голем број на кладови со неутврдена сродност. Тука се наведени оние што не се сметаат за спорни како единици:

• чаморски
• палауански
• тамански (мбалох)
• јужносулавески
• целебески
• мокленски
• чамски
• батачки
• гајски
• енгански
• ментавајски
• нијаски
• сикулеански
• симеулуеански
• реџаншки
• лампуншко–сундски
• јавански
• мадурски
• банџарски
• малајски
• балиско-сасачки
• сумпско-флорески
• ирарутуански (касира)
• селаруански
• јамденски
• кејско–танимбарски
• севернобомберајски
• ковиајски (Ј бомберајски)
• источни централномалучки
• сулско–буруански
• тиморско–бабарски
• западнодамарски
• теорско–курски
• јужнохалмахерски
• раџаампатски
• бедоанашко–ерокванашки (бомберајски)
• бијачки (чендеравасишки)
• јапенско–варопенски (чендеравасишки)
• морски (чендеравасишки)
• иресимски (со други чендеравасишки јазици?)
• тандиски (со други чендеравасишки јазици?)
• јаурски (со други чендеравасишки јазици?)
• јеретуарски (со други чендеравасишки јазици?)
• океански