Малајски јазици

Малајски јазици — гранка на австронезиското семејство. Во неа спаѓаат малајскиот — државен јазик на Малезија, Брунеј и Индонезија; минангкабајскиот во централна Суматра и ибанскиот во северно Борнео.

Малајски
Географска распространетост:	Југоисточна Азија
Класификација:	австронезиски малајско-полинезиско (МП) јадрено МП малајско-сумбавско малајски
Гранки:	потесна малајска ибанска (малајски дајачки) ураклавојска
Карта на малајските јазици

Се смета дека прататковината на малајските е западно Борнео, каде изворно се задржале ибанските јазици. Потесната група на малајски јазици претставува второстепено расчленување, веројатно од централна Суматра, а можеби и исто така од Борнео.^[1]

Извесно време постоела несигурност за припадноста на дајачките јазици, но денес е утврдено дека некои од нив се малајски, а некои не. Меѓу малајските дајачки се вбројува ибанскиот, кој понекогаш се смета за групна целина, говорена од Ибанците (Морските Дајаци), а понекогаш за група. Другите дајачки јазици, наречени копненодајачки, се застапени во северозападниот агол на Калимантан, помеѓу ибанските и потесните малајски.

Јазици

• потесни малајски јазици (минангкабајски, малајски)
• ибански јазици или малајски дајачки (ибански и сродните говори)
• ураклавојски

Неколку ибански јазици are also sometimes placed separately in Malayic.

Класификација

Аделар (1993) ги дели малајските јазици на следниов начин.^[2]

• прамалајски
  • ибански
  • (главна гранка)
    • стандарден малајски
    • минангкабајски
    • средномалајски
    • банџарски
    • џакартски
    • останати

Меѓутоа, Нотхофер (1988) ја дава следнава класификација.

• прамалајски
  • реџаншки
  • мбало
  • селако
  • ибанско-малајски
    • ибански
    • потесни малајски

Реконструкција

Фонологија

Прамалајскиот имал вкупно 19 согласки и 4 самогласки (Adelaar 1992:102).

Прамалајски согласки

		Уснени	Венечни	Предно- непчени	Задно- непчени	Гласилни
Избувни	безвучни	p	t[3]	c	k	ʔ
	звучни	b	d	ɟ	ɡ
Носни		m	n	ɲ	ŋ
Струјна			s			h
Течни			l		ʀ
Приближни		w		y

Прамалајски самогласки

Висина		Предни		Средни		Задни
Затворени		i /i/				u /u/
Средни				ə /ə/
Отворени				a /a/

Има два 2 дифтонга:

• *-ay
• *-aw

Морфологија

Прамалајските лексеми се претежно двосложни, но некои се едно-, три- или четирисложни. Лексемите го имаат следниов слоговен состав (Adelaar 1992:102):

* [Сг См (Н)] [Сг См (Н)] [Сг См (Н)] Сг См Сг 

Напомена: Сг = согласка, См = самогласка, Н = носна