Зелени несулфурни бактерии

Зелените несулфурни бактерии (Chloroflexia) се една од шестте класи на бактерии во коленото Chloroflexi, кои се исто така познати како филаментозни аноксигени фототрофи. Тие произведуваат енергија од светлината и се именувани според зелениот пигмент бактериохлорофил с кој се наоѓа во посебни фотосинтетски тела наречени хлорозоми.

Зелени несулфурни бактерии
Научна класификација
Домен:	Bacteria
Колено:	Chloroflexi
Класа:	Chloroflexia
Редови и подредови
Herpetosiphonales Chloroflexales Chloroflexineae Roseiflexinae

Зелените несулфурни бактерии се обично филаментозни, и може да се движат со помош на бактериско лизгање. Тие се факултативни аероби, но не произведуваат кислород во процесот на фототрофија како цијанобактериите. Овие бактерии се фотохетеротрофи и не се вистински фотосинтетски бактерии.

Додека повеќето бактерии, во смисла на разновидност, се дидермални и се бојат Грам-негативно (со исклучок на Firmicutes, Actinobacteria и Deinococcus-Thermus, кои се Грам-позитивни), членовите на коленото Chloroflexi се монодермални и најчесто се бојат Грам-негативно.^[1][2][3]

Таксономија и молекуларни обележја

Класата Chloroflexia е група на длабоко разгранувачки фототрофни бактерии (со исклучок на видовите на Herpetosiphon и Kallotenue), која опфаќа три реда: Chloroflexales, Herpetosiphonales, и Kallotenuales.^{[4][5][6][7][8]} Редовите Herpetosiphonales и Kallotenuales содржат по една фамилија и по еден род: Herpetosiphonaceae (Herpetosiphon) и Kallotenuaceae (Kallotenue), соодветно; додека Chloroflexales се филогенетски поразнообразни.

Компаративните геномски анализи неодамна ја имаат ажурирано таксономијата на класата Chloroflexia, делејќи го редот Chloroflexales во подредот Chloroflexineae кој ги содржи фамилиитеOscillachloridaceaeи Chloroflexaceae, и подредотRoseiflexineaeкој ја содржи фамилијатаRoseiflexaceae. Ревидираната таксономија беше заснована на идентификација на бројни CSIs (анг. соnserved signature inserts and deletions) кои претставуваат ефикасни молекуларни маркери за одредување на заедничко потекло.^{[9][10][11][12]} Дополнителна поддршка за поделбата на Chloroflexales во двата подреда се разликите во физиолошките одлики, каде што секој подред има различен профил на каротиноиден, хинонски, и масно киселиниски состав.^[13][14] Во прилог на демаркирање на таксономската припадност, CSIs може да играат улога во специфичните одлики на членовите во рамките на одреден таксон. На пример, сегмент од четири аминокиселини во ензимот пируват флаводоксин/фередоксин оксидоредуктаза, белковина која игра важна улога во фотосинтетските организми, најдена е исклучиво кај членовите на родот Chloroflexus, и се смета дека игра значајна функционална улога.^[15][16] Со користењето на CSIs дополнителна истрага е направена за демаркација на филогенетската позиција на Chloroflexia во однос на соседните фотосинтетски групи како што е Cyanobacteria.^[17] Најдено е дека Chloroflexia и Chlorobi споделуваат CSI, а се толкува дека настанал како резултат на хоризонтален трансфер на гени.^[18]

Таксономија

Ова е моментално прифатената таксономија на зелените несулфурни бактерии:^[19]

• Ред Chloroflexales
  • Подред Chloroflexineae
    • Фамилија Chloroflexaceae Trüper 1976 emend. Gupta et al. 2013
      • Род Chloroflexus Pierson and Castenholz 1974
        • C. aggregans Hanada et al. 1995
        • C. aurantiacus Pierson and Castenholz 1974
    •   Фамилија Oscillochloridaceae Keppen 2000 emend. Gupta et al. 2013
      • Род Oscillochloris Gorlenko and Pivovarova 1989 emend. Keppen et al. 2000
        • O. chrysea Gorlenko and Pivovarova 1989
        • O. trichoides (ex Szafer) Gorlenko and Korotkov 1989 emend. Keppen et al. 2000
      • Род Chloronema Dubinina and Gorlenko 1975
        • Chloronema giganteum Dubinina and Gorlenko 1975
  • Подред Roseiflexineae
    • Фамилија Roseiflexaceae Gupta et al. 2013
      • Род Roseiflexus Hanada et al. 2002
        • Roseiflexus castenholzii Hanada et al. 2002
      • Род Heliothrix Pierson et al. 1986
        • Heliothrix oregonensis Pierson et al. 1986
• Ред "Herpetosiphonales"
  • Фамилија "Herpetosiphonaceae"
    • Род Herpetosiphon Холт and Lewin 1968
      • H. aurantiacus Холт and Lewin 1968
      • H. geysericola (Copeland 1936) Lewin 1970

Дополнително, "Kouleothrix aurantiaca" и "Dehalobium chlorocoercia" не се целосно опишани.

Потекло на поимот

Името "Chloroflexi" е неолатински множина од "Chloroflexus", што е името на првиот опишан род. Именката е комбинација од грчкиот збор chloros (χλωρός)^[20] што значи "зеленикаво-жолт" и латинскиот flexus (од flecto)^[21] што значи "виткање", со значење "зелено свиткување".^[22] Името нема врска со хемискиот елемент хлор.