Мостич

Мостич бил висок функционер во Првото Бугарско царство во 10 век, за време на владеењето на Симеон I и Петар I. Тој ја носел титулата ичиргу-боил и најверојатно бил командант на гарнизонот во Преслав.

Епитафот на Мостич, со титулата „цезар“ која е заокружена со црвено.^[1]

Надгробната плоча на Мостич

Мостич е познат од неговата надгробна плоча, пронајдена во црквата (денес позната како „црва на Мостич“) во Преслав. Надгробната плоча била откриена во 1952 од професорот Станчо Ваклинов и се чува во Националниот археолошки музеј.

Натписот на плочата е епитаф, што укажувало дека тој бил погребан во црквата: неговите останки исто така биле пронајдени, и откриле дека тој бил релативно низок (165–170 cm). Текстот е познат и по тоа што е еден од најраните извори во кои се споменува титулата "Цѣсарь"^[2] ("Цезар"^[3]).

Натписот гласи:

„

сьде лежитъ мо- стичь чрьгоубъɪ- ля бъɪвъɪи при сумеонѣ ц︢ри и при петрѣ ц︢ри ос(м)иѭ же десѧ- ть лѣтъ съɪ оста- вивъ чрьгоубъɪлъ- ство ї вьсе їмѣн- иѥ бъɪстъ чрьнори- зьць ї въ томь съ- връши жизнь своѭ.[4]

“

„

Овде лежи Мостич, кој беше чргубиља при Симеон цезар и при Петар цезар. На 80 години, оставајќи го чргубиљството и сето имање, стана црноризец и така го заврши животот свој.[5]

“