Рахилка Фирфова

Рахилка Фирфова Ѓоргова-Раца (Велес, 1911 - Скопје, 2000 ), позната е како „магичната муза“ на Коста Солев. Тој на 6 октомври 1928 година како псевдоним го зел нејзиното име и станал познат како Рацин.

„Антологија на болката“ e стихозбирка напишана помеѓу февруари и јули 1928 година која ѝ е посветена на Рахилка Фирфова, ученичка во шести клас на велешката гимназија. Стихозбирката е потпишана со скратената форма К. Р-ин, израз на псевдонимот Рацин, за кој во една своја картичка од 6 октомври 1928 година, ѝ пишува на својата сакана: „Го земам твоето име како мое, и за тоа ти подарувам бесмртност“. Така и станува, а Рацин во своето презиме трајно и болно ќе ја носи големата и невозвратена љубов.^[1][2][3]