Сипаливини

Сипаливини (холандски: Sipaliwini) е најголемиот округ во Суринам, кој се наоѓа на јужниот дел на земјата. Сипаливини е воедно и единствениот округ кој нема административен главен град, бидејќи е директно под управа на владата во Парамарибо. ^[2] Округот Сипаливини вклучува спорни области, односно Суринам тврди дека југозападниот дел на Гвајана е дел од Суринам, како и југоисточниот дел на Француска Гијана.

Сипиливини Sipaliwini
округ
Гран Рио - момчиња во кану
Округот во рамките на Суринам (со закосени линии се туѓи територии за кои Суринам тврди дека се нејзини).
Држава	Суринам
Површина
• Вкупна	130.567 км2 (50,412 ми2)
Население (2012 попис)[1]
• Вкупно	37,065
• Густина	0,00.028/км2 (0,00.074/ми2)

Историја

Сипаливини како округ е создаден во 1983 година ^[2], има население од 37.065 жители и површина од 130.567 квадратни километри. Округот е речиси 4 пати поголем од сите другите 9 окрузи на Суринам. Како и да е, поголемиот дел од Сипаливини е речиси целосно покриен со дождовна шума. ^[3] За да се создаде округот, округот Никери бил намален за околу 65.000 квадратни километри. ^[4] Сипаливини е област населена од локални племиња, односно Маруни и друго староседелско население . Различни мировни договори, од 1686 година па навака, им признавале автономија на племињата во нивната сопствена област; но недостасувало одредено разграничување на племенската област. Името буквално значи „река од камења или карпи“. ^[5]

Археолозите сметаат дека ловците-собирачи живееле во денешната област Сипаливини за време на палеолитскиот период. ^[2] Регионот во голема мера бил недопрен за време на колонијалниот период, бидејќи Холанѓаните што го контролирале Суринам се плашеле од Португалците во Бразил, и дури во 20 век започнале развојните проекти.

Од 2004 година, во областа имало 41 училиште . Планирано е зголемување на бројот на училишта, бидејќи некои деца мора да патуваат на долги растојанија пеш или со брод до соседните села. ^[3] Медицинската нега ја обезбедува Медише Зендинг .

Администрација

До 2011 година, Сипаливини бил управуван од еден окружен комесар со седиште во Парамарибо. Во годините што следеле, за секој посебно ресорт бил назначен окружен комесар. ^[3]

Ресорти

Ресортите во Сипаливини

Сипаливини е поделен на 7 ресорти ( ressorten):

Округ	Глен народ
Бовен Копенаме	Квинти и Тиројоанци[6]
Бовен Сарамака	Матаваи[3]
Бовен Суринам	Сарамаканци[3]
Куруни	Тиројоанци[7]
Кабалебо	Араваци и Вараоанци[3]
Парамака	Парамакани[8]
Тапанахони	Ндјукани[3]