Фросина Пармаковска

Фросина Пармаковска — македонска писателка.

Фросина Пармаковска
Роден/а	1985 Скопје, Македонија
Занимање	Писателка
Националност	Македонка
Апсолвент на	Филолошки факултет - Скопје

Животопис

Фросина Пармаковска е родена во Скопје, 1985 година. Дипломирала на Филолошки факултет, катедра за Општа и компаративна книжевност. Магистрирала на Институт за македонска книжевност, на тема „Варијации на магичниот реализам во светскиот и македонскиот роман“. Член е на ДПМ од 2018 година.^[1]

Творештво

Покрај раскази објавувани во книжевни списанија, Пармаковска ги објавила и следниве романи:

• „Сè уште можам нешто да сторам“^[2], роман (Или-Или, 2023 г.)
• „На враќање“^[3], роман (Или-Или, 2020 г.)
• „Одбројување“^[4], роман (Или-Или, 2017 г.)
• „Вишнова хроника“, роман (Или-Или, 2014 г.) - преведен е на бугарски и украински јазик
• „Пишувајќи ги изгубените топки“, роман (Култура, 2013 г.)

Награди

• 2017 - Роман на годината, за романот „Одбројување“. Претходно, во 2014 година, нејзиниот роман „Вишнова хроника“ влезе во финале за истата награда

• 2024 - Награда „Рациново признание“, за романот „Сѐ уште можам нешто да сторам“^[5]
• 2025 - Награда „Пегаз“, за најдобар необјавен роман на годината во Македонија, за романот „Кривата Дијана“^[6]