гркомански андарт From Wikipedia, the free encyclopedia
Армен Купчу (грчки: Άρμεν Κούπτσιος, Армен Купциос или Κούπτσος, Купцос) — андарт, член на Елиномакедонскиот комитет и учесник во Борбата за Македонија.
Купчу е роден 1885 година во гагауско семејство драмското село Волак, тогаш во Османлиското Царство, (денес Волакас, Грција).
На 18 години под влијание на капетан Даис кој бил тогаш учител во Просечен, Купчу се приклучил на грчката вооружена пропаганда и зел учество во Борбата за Македонија и борбите против четите на Македонската револуционерна организација.
Во 1906 година членот на Македонската револуционерна организација, Плацев од село Скрижово заминал за Драма, а Елиномакедонскиот комитет им наредил на Купчу, Нако Војадзис (или Христос Војадзис) од Просечен и Петрос Мандзас од Палеохори да го убијат.
Тие му поставиле заседа на Плацев кај Чобанка крај Турско село (денес Милопотамос) и го убиваат. Меѓутоа истрелите биле слушнати од страна на турскиот гарнизон во Османица (Калос Агрос).
Бојадзис и Мандзас успеале да се извлечат бегајќи кон Чаталџа и Алистрати, но Купчу бил заробен. И покрај сите молби на грчкиот драмски митрополит Хрисостомос и на грчкиот конзулат во Солун, тој бил изведен пред воен суд и осуден на смрт.
По пресудата бил пренесен во Драма, каде што Елиномакедонскиот комитет направил неуспешен обид да го извлече од затворот.
На 14 септември во Драма, Купчу бил обесен. Во 1967 година грчките власти во центарот на Драма му подигнале споменик, а по неговото име е именувана и една улица во центарот на градот [1][2].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.