археолошко наоѓалиште во Македонија From Wikipedia, the free encyclopedia
Барутница — населба од неолитското време и вила рустика од римското време. Во стручната литература наоѓалиштето е познато и под имињата Амзабегово или Анза. Се наоѓа на околу 2 км јужно од селото, од левата страна на железничката пруга Велес — Кочани, 33,8 км и 34,5 км, односно, наоколу 2 км јужно од железничката станица „Овче Полe“ или околу 700 метри јужно од автопатот Велес — Штип. Теренот претставува блага терасеста падина со површина од 500 метри во источниот дел на запад 250-300 метри во правец на север-југ, која е краен дел од гребенот што се спушта кон масивот Ѓуриште.[1][2]
„Барутница“ | |
Местоположба | 41°48′40″N 21°59′40″E |
Основни податоци | |
---|---|
Место | Амзабегово |
Општина | Свети Николе |
Тип |
|
Период | среден век |
Портал „Археологија“ |
Со ископувањата на екипата југословенски и американски истражувачи биле најдени куќи, култни објекти и јами под кои се разликувале: јами за складирање, за вадење земја за градежни потреби, јами за отпадоци и др.[3] Биле откриени 3 куќи, од кои сите биле поставени во правец од северозапад кон југоисток, а еден од американските истражувачи открил ѕид од кал кој бил премногу лошо нарушен за реконструкција. Необично е тоа што во култниот објект не се најдени култни предмети, а во надворешниот дел се најдени кршеници на керамички садови и орнаменти-триаголници обоени со бела боја, поради ова имало несигурност во првичното именување на објектот како култен.[4] Во вториот култен објект била најдена јама во која имало детски скелет. Било одредено дека скелетот бил закопан, откопан и потоа бил дигнат култниот објект. Но како и во последниот случај немало никакви култни предмети во овој објект, а ниту пак во околината, само биле откриени алати од камен и коска како секира, две спатули и три шила од коска, според што би можело да се заклучи дека називот култен објект не е соодветен.[5] Со пронајдоците биле најдени многу јами, во кои биле најдени: горевина и пепел, темна земја, куќен лепеж, сивкава земја која била помешана со фрагменти на садови и животински коски, веќе спомнатата јама со детски скелет и др. Пронајдени се и 3 огништа.
Во истражувањата исто така биле најдени скелети кои било утврдено дека припаѓале на 34 поединци, кои имале разна полова припадност, возраст и крвна група и други разлики меѓу нив. Но во истражувањата отсуствувале податоци како на пример положбата и ореинтацијата на скелетите.<refСанев, стр. 59</ref> Првиот пронајден скелет бил на жена која умрела на возраст од 12-21, со крвна група А која имала многу лошо оштетени коски, вториот пронајден скелет бил во истиот гроб со првиот, но овој скелет бил со многу подобро зачувани коски, исто така припаѓал и овој скелет на жена од крвна група А, но се сметало дека умрела на возраст од 19 до 35 години. Необично било дека и двете скелети биле закопани на ист начин (легнати на лев образ во згрчена) и им фалеле витални коски, особено на првиот, се претпоставува дека двете скелети се блиску поврзани и начинот на кој биле закопани бил дел од некои традиции и обичаи.[6] Третиот скелет, кој бил најден во друг нов гроб, исто така припаѓал на девојка со крвна група А, и била во слична згрчена положба од возраст 4-10 години, и се сметало дека бил закопан во истиот период. Бил пронајден и четврт скелет кој бил во близината на третиот и на кој не биле определени полот, крвната група а ниту возраста.[7] Најголемиот дел на погребаните личности на кои полот можел да се одреди биле женски поединци а и најголем дел на единките со одредена возраст биле под 30 гоидини кога починале. Исто така е важно што од крвни групи А групата била најбројната, но биле присутни и други групи како B и O групата. Сите погребани биле во згрчена положба, а како народ биле вклучени поединците во групата на средоземни народи со сличен пантеон како во Анадолија.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.