എറിയോക്കോളേസീ

പോയേൽസ് ഓർഡറിലെ സപുഷ്പികളായ ഏകബീജപത്ര സസ്യങ്ങളുടെ കുടുംബമാണ് എറിയോക്കോളേസീ(Eriocaulaceae). പൈപ്പ് വോർട്ട് കുടുംബം (pipewort family)എന്ന് അറിയപ്പെടുന്നു. ഏഴ് ജനുസുകളിലായി 1207 സ്പീഷീസുകൾ വിവരിക്കപ്പെട്ടിട്ടുള്ള വലിയ ഒരു സസ്യകുടുംബമാണിത്.^[3] വ്യാപകമായി കാണപ്പെടുന്ന ഇവയുടെ വൈവിദ്ധ്യം പ്രധാനമായും അമേരിക്കയിലെ ഉഷ്ണമേഖലാപ്രദേശങ്ങളിലാണ്.ചുരുക്കം ചില സ്പീഷീസുകൾ സമശീതോഷ്ണ മേഖലകളിൽ കാണപെടുന്നു. അമേരിക്കൻ ഐക്യനാടുകളിൽ 16 സ്പീഷീസുകളും,കാനഡയിൽ രണ്ടും യൂറോപ്പിൽ ഒന്നും (Eriocaulon aquaticum) സ്പീഷീസുകളും മാത്രമാണ് ഉള്ളത്. നനവുള്ള മണ്ണിലാണ് ഇവയ്ക്ക് പ്രിയം. തെക്കേ ഇന്ത്യയിലെ പശ്ചിമഘട്ടത്തിലെ ജൈവവൈവിദ്ധ്യ ഹോട്സ്പോട്ടുകളിലും ഈ സസ്യകുടുംബം കാണപ്പെടുന്നു.

എറിയോക്കോളേസീ
Eriocaulon decangulare 1832 illustration[1]
Scientific classification
Kingdom:	സസ്യം
Clade:	ട്രക്കിയോഫൈറ്റ്
Clade:	സപുഷ്പി
Clade:	ഏകബീജപത്രസസ്യങ്ങൾ
Clade:	Commelinids
Order:	പൊവേൽസ്
Family:	Eriocaulaceae Martinov[2]
Genera
See text

ഇവ മിക്കതും ബഹുവർഷായുക്കളായ ഓഷധികളാണ്. എന്നാൽ ചിലവ വാർഷിക സസ്യങ്ങളുമാണ്. സൈപ്പെറേസീ, ജുൻ കേസീ എന്നീ സമാന സസ്യകുടുംബങ്ങളുമായി സാമ്യം പുലർത്തുന്നു. അവയെപ്പോലെ തന്നെ വളരെ ചെറിയ കാറ്റിന്റെ സഹായത്തോടെ വിത്തുവിതരണം നടത്തുന്ന പൂങ്കുലകളാണുള്ളത്.

ജനുസുകൾ

• ആക്റ്റിനോസെഫാലസ്
• കോമാന്തര
• Eriocaulon - ചൂത് സസ്യം
• ലാച്നൊകോളോൺ - bogbutton
• ലീയോത്രിക്സ്
• മെസാന്തമം
• പിപ്പലാന്തസ്
• റോണ്ടോനാന്തസ്
• സിംഗോനാന്തസ്
• തോണിന

ചിത്രശാല

• 
  Eriocaulon decangulare flowerhead