കേരളത്തിൽ, കൊല്ലം ജില്ലയിലെ കൊല്ലം താലൂക്കിൽ സ്ഥിതി ചെയ്യുന്ന ഒരു ഗ്രാമമാണ് പ്രാക്കുളം. കൊല്ലം നഗരത്തിനു സമീപത്തായി സ്ഥിതി ചെയ്യുന്ന ഈ ഗ്രാമം നിലവിൽ തൃക്കരുവ ഗ്രാമപഞ്ചായത്തിന്റെ ഭാഗമാണ്. കൊല്ലം ജംഗ്ഷൻ തീവണ്ടി നിലയത്തിൽനിന്നും 12 കിലോമീറ്റർ അകലെയും കൊല്ലം ബസ് സ്റ്റാൻഡിൽ നിന്നും 11 കിലോമീറ്റർ അകലെയുമായിട്ടാണ് ഈ ഗ്രാമം സ്ഥിതി ചെയ്യുന്നത്. 19 - ാം നൂറ്റാണ്ടിൽ ചരക്കുനീക്കത്തിനും ഇറക്കുമതി ചെയ്യുന്നതിനുമായി പ്രാക്കുളം കേന്ദ്രീകരിച്ച് കടവുകൾ ഉണ്ടായിരുന്നു. ദേശീയപാത 47 - നെ കാവനാട് ആൽത്തറമൂട് മുതൽ മേവറം വരെ ബന്ധിപ്പിക്കുന്ന പാതയായ കൊല്ലം ബൈപാസ്, പ്രാക്കുളത്തിലൂടെ കടന്നു പോകുന്നുണ്ട്.