കേരളത്തിലെ പത്തനംതിട്ട ജില്ലയിലെ റാന്നി താലൂക്കിൽ സ്ഥിതിചെയ്യുന്ന ഒരു പട്ടണമാണ് റാന്നി. റാന്നി താലൂക്കിന്റെ ആസ്ഥാനം ഈ പട്ടണത്തിലാണ്. പമ്പാനദിയുടെ ഇരുകരകളിലുമായാണ് ഈ പട്ടണം നിലകൊള്ളുന്നത്. താലൂക്ക് ആസ്ഥാനമടക്കം സർക്കാർ ആഫീസുകളിൽ മിക്കവയും റാന്നി - പഴവങ്ങാടി പഞ്ചായത്തിലും, വ്യാപാര കേന്ദ്രങ്ങൾ കൂടുതലും അങ്ങാടി പഞ്ചായത്തിലും ആണുള്ളത്. റാന്നി താലൂക്കിൽ ആണ് വിശ്വ പ്രസിദ്ധമായ ശബരിമല ക്ഷേത്രം സ്ഥിതി ചെയ്യുന്നത്.