From Wikipedia, the free encyclopedia
ദേശീയ പാത 1D അഥവാ ശ്രീനഗർ - ലേ ഹൈവേ ജമ്മു കാഷ്മീരിലൂടെ ഉള്ള ഒരു ദേശീയ പാതയാണ്. ലഡാക്ക് നഗരത്തെ ഭാരതത്തിലെ മറ്റു സ്ഥലങ്ങളുമായി ബന്ധിപ്പിക്കുന്ന രണ്ടു പാതകളിൽ ഒന്നാണിത്. ഇങ്ങനെ ഉള്ള മറ്റൊരു ദേശീയ പാതയാണ് ലേ-മണാലി ഹൈ വേ. 2006 ലാണ് ഇത് ദേശീയ പാതയായി പ്രഖ്യാപിച്ചത്.[1][2]
National Highway 1D | ||||
---|---|---|---|---|
റൂട്ട് വിവരങ്ങൾ | ||||
നീളം | 422 km (262 mi) | |||
പ്രധാന ജംഗ്ഷനുകൾ | ||||
തുടക്കം | Srinagar, Jammu & Kashmir | |||
NH 1A in Srinagar | ||||
അവസാനം | Leh, Ladakh | |||
സ്ഥലങ്ങൾ | ||||
സംസ്ഥാനങ്ങൾ | Jammu & Kashmir: 422 km (262 mi) | |||
പ്രധാന ലക്ഷ്യസ്ഥാനങ്ങൾ | Srinagar - Zoji La - Kargil - Leh | |||
Highway system | ||||
ഇന്ത്യൻ പാതാ ശൃംഖല ദേശീയപാത • അതിവേഗപാത • സംസ്ഥാനപാത
|
ആറു മാസത്തോളം , തീവ്രമായ ഹിമപാതം കാരണം ട്രാഫിക്ക് ബ്ലോക്ക് അനുഭവപ്പെടാറുള്ള പാതയാണ് ഇത്. മഞ്ഞുകാലം കഴിഞ്ഞാൽ ബോർഡർ റോഡ് ഓർഗനൈസേഷൻ , മഞ്ഞുവീഴ്ച കാരണം ഉള്ള റോഡ് തകരാറുകൾ പരിഹരിക്കുന്നു.[3] ഈ പാതയിൽ ഉള്ള സോജി ലാ ചുരത്തിൽ 18 മീറ്റർ വരെയുള്ള മഞ്ഞുവീഴ്ച ഉണ്ടാകാറുണ്ട്.[4]
അതി ദുർഘടമായ ഈ പാത സിന്ധു നദീതടത്തിലൂടെയുള്ള ഒരു ചരിത്ര പ്രാധാന്യമുള്ള പാത കൂടിയാണ്. ഈ പാതയിലെ ഉയരം കൂടിയ ചുരങ്ങൾ ഫോട്ടു ലാ യും സോജി ലാ യുമാണ്. സമുദ്ര നിരപ്പിൽ നിന്ന് 3249 മീറ്റർ ഉയരത്തിൽ സ്ഥിതി ചെയ്യുന്ന ദ്രാസ് ഗ്രാമം ഈ പാതയിലാണ്. സൈബീരിയ കഴിഞ്ഞാൽ ലോകത്തിലെ ഏറ്റവും കൂടുതൽ തണുപ്പ് അനുഭവപ്പെടുന്ന ജനവാസ മേഖലയാണ് ഇത്.ഇവിടെ താപനില -45 °C വരെ ആകാറുണ്ട്.[5]
ചൈനയിലെ യാർക്കണ്ട് വരെ നീളുന്ന ശ്രീനഗർ-ലേ-യാർക്കണ്ട് റോഡ് , ട്രീറ്റി റോഡ് എന്ന് അറിയപ്പെട്ടിരുന്നു. മഹാരാജാ റൺബീർ സിംഗ് , തോമസ് ദഗ്ലാസ് ഫൊർസിത്ത് .[6]എന്നിവർ തമ്മിൽ ഉണ്ടായ 1870 ലെ ഉടമ്പടി യുടെ പേരിലായിരുന്നു അത്.[7]
പതിനേഴും പതിനെട്ടും ശതകങ്ങളിൽ ഈ പാത ഒരു ഊടുവഴി മാത്രമായിരുന്നു. കോവർ കഴുതകൾക്ക് സഞ്ചരിക്കാൻ പാകത്തിലായിരുന്നു അത്. ഈ പാതയിലൂടെ പഷ്മിനാ കമ്പിളി ടിബറ്റ് വരെ വിപണനം ചെയ്യപ്പെട്ടു.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.