Tazza tad-Dinja tal-Futbol 2010

It-Tazza tad-Dinja tal-Futbol 2010 kienet id-dsatax-il edizzjoni tat-Tazza tad-Dinja, li hu avveniment mondjali tal-futbol li jsir kull erba' snin. Ġie skedat li jkun bejn il-11 ta' Ġunju u l-11 ta' Lulju 2010 fl-Afrika t'Isfel. Din kienet l-ewwel darba li l-kampjonat ġie ospitat minn pajjiż Afrikan, wara li l-Afrika t'Isfel għelbet fl-isfida finali lill-"kuġini" tagħha Afrikani tal-Eġittu u l-Marokk sabiex jospitaw l-edizzjoni. Dan wassal biex il-konfederazzjoni Oċeanika tal-futbol tkun l-unika konfederazzjoni li għadha ma żammitx edizzjoni tat-Tazza tad-Dinja.

Tazza tad-Dinja tal-Futbol 2010

Dettalji tal-kompetizzjoni
Pajjiż ospitanti	Afrika t'Isfel
Dati	11 ta' Ġunju – 11 ta' Lulju
Parteċipanti	32 (minn 6 konfederazzjonijiet)
Grawnds	10 (f'9 ibliet ospitanti)
Pożizzjonijiet finali
Rebbieħ	Spanja
It-Tieni post	Netherlands
It-Tielet post	Ġermanja
Ir-Raba' post	Urugwaj
Statistika tal-kompetizzjoni
Partiti	64
Gowls skorjati	145 (2.27 kull logħba)
Attendenza	3,178,856 (49,670 kull logħba)
L-aqwa skorer(s)	Thomas Müller David Villa Wesley Sneijder Diego Forlán (5 gowls)
L-aqwa plejer	Diego Forlán
L-aqwa gowler	Iker Casillas
← 2006 2014 →

Tnejn u tletin tim ġew magħżula sabiex jipparteċipaw meta kkwalifikaw mill-fażi ta' kwalifikazzjoni li bdiet f'Awwissu tal-2007. Fl-ewwel rawnd it-timijiet ikkompetew flimkien fi gruppi ta' erba' timijiet kull wieħed, bl-aqwa żewġ timijiet jaqtgħu l-passaġġ għall-fażi suċċessiva. Is-sittax-il tim javvanzaw għall-fażi eliminatorja li tinkludi tliet rawnd li fl-aħħar jiddeterminaw l-aħħar żewġ timijiet li jikkontestaw il-finali.

Spanja rebħu dan it-turnew, fejn fil-finali, iċ-ċampjins Ewropej għelbu lit-tim Olandiż fil-ħin barrani bl-iskor ta' 1–0, gowl li wasal minn Andrés Iniesta. Dan kien l-ewwel titlu mondjali għat-tim Spanjol. L-Italja kienet qed tiddefendi t-titlu li kisbet fl-edizzjoni preċedenti, iżda falliet hekk kif inqalgħet fil-fażi eliminatorja.

L-għażla tal-ospitu

L-Afrika ġiet magħżula bħala l-ospitu tat-Tazza tad-Dinja 2010 bħala parti minn politika ġdida li tikkonsisti fir-rotazzjoni ta' dan l-avveniment bejn il-konfederazzjonijiet tal-futbol (idea li ġiet abbandunata f'Ottubru tal-2007). Ħames pajjiżi Afrikani għamlu offerta biex jospitaw l-edizzjoni tal-2010 tat-Tazza tad-Dinja:

• Eġittu
• Libja / Tuneżija (pjan ta' ospitu kollettiv)
• Marokk
• Afrika t'Isfel

Minħabba d-deċiżjoni suċċessiva tal-Kumitat Eżekuttiv tal-FIFA biex il-kampjonat ma jiġix ospitat minn żewġ pajjiżi, it-Tuneżija irtirat il-kandidatura tagħha. Il-Kumitat iddeċieda wkoll li ma jaċċettax lil-Libja bħala ospitu minħabba li ma laħqitx il-kriterji uffiċjali.

Wara rawnd ta' voti, l-offerta rebbieħa ġiet mħabbra mill-president tal-FIFA Sepp Blatter waqt konferenza stampa fil-15 ta' Mejju 2004, f'Żurigu. L-Afrika t'Isfel ingħatat id-dritt li tospita dan it-turnew, fejn għelbet l-isfida tal-Marokk u l-Eġittu.^[1]

Riżultati
Pajjiż	Voti
Afrika t'Isfel	14
Marokk	10
Eġittu	0

• Tuneżija – irtirat fit-8 ta' Mejju 2004 wara li żewġ ospiti ma kinux aċċettati
• Libja – l-offerta ġiet irrifjutata: il-kandidatura ma laħqitx il-kriterji u l-ospitu bejn żewġ pajjiżi ma kienx aċċettat

Għajdut ta' ospitu ġdid

Diversi għajdut ċċirkulaw f'sorsi varji tal-aħbarijiet li kienu jsostnu li t-Tazza tad-Dinja 2010 tista' ssir f'pajjiż ieħor.^[2][3] Xi nies, fosthom Franz Beckenbauer, Horst R. Schmidt u, anki, xi eżekuttivi tal-FIFA, esprimew id-dubji tagħhom fuq il-pjan, l-organizzazzjoni u ż-żmien ta' preparazzjoni tal-AFrika t'Isfel. Madanakollu, l-uffiċjali tal-FIFA komplew isostnu li se jkomplu jagħtu s-sosten tagħhom lill-Afrika t'Isfel, u stqarrew li l-avveniment mhux se jitmexxa lejn pajjiż ieħor, bil-president tal-FIFA Sepp Blatter kompla jsostni li t-Tazza tad-Dinja 2010 se ssir fl-Afrika t'Isfel.^[4] Blatter stqarr li hemm pjan ta' kontinġenza biex it-Tazza tad-Dinja issir x'imkien ieħor imma dan ikun f'każ ta' xi diżgrazzja naturali, u li t-Tazza tad-Dinja tal-2006 fil-Ġermanja kellha wkoll pjan ta' kontinġenza simili.^[5]

Minkejja l-assigurazzjoni min-naħa tal-FIFA li l-avveniment jitmexxa biss f'każ ta' xi diżgrazzja naturali, xi għajdut kompla jiċċirkula dwar il-possibilità ta' ospitu ġdid. Dan l-għajdut kollu ġie kkritikat mid-deputat Ministru tal-Finanzi tal-Afrika t'Isfel Jabu Moleketi, fejn qal li dan l-għajdut sar biex ipoġġi dehra negattiva għall-Afrika t'Isfel u l-Afrika.^[6]

Kwalifikazzjoni

Biex tapprofondixxi, ara l-artiklu: Kwalifikazzjoni għat-Tazza tad-Dinja tal-Futbol 2010.

Bħala l-pajjiż ospitu, l-Afrika t'Isfel awtomatikament irċieva post fil-fażi finali. Madanakollu, l-Afrika t'Isfel xorta waħda ħadet sehem fil-fażi ta' kwalifikazzjoni minħabba li dawn iservu wkoll bħala turnew ta' kwalifika għat-Tazza Afrikana 2010. Din hi l-ewwel darba mill-1934 li ospitu tat-Tazza tad-Dinja, ipparteċipa xorta waħda fil-kwalifiki għat-Tazza tad-Dinja. Bħat-turnew preċedenti, iċ-ċampjins renjanti tal-Italja, ma ngħatawx aċċess awtomatiku għall-fażi finali.

Il-poloz għall-fażi preliminarja ttellgħu f'Durban, fl-Afrika t'Isfel, fil-25 ta' Novembru 2007.

Timijiet kwalifikati

It-32 tim segwenti kkwalifikaw għall-fażi finali tal-kompetizzjoni.

AFC (4)  Awstralja  Ġappun  Korea ta' Fuq  Korea t'Isfel CAF (6)  Afrika t'Isfel (ospiti)  Alġerija  Gana  Kamerun  Kosta tal-Avorju  Niġerja

CONCACAF (3)  Ħonduras  Messiku  Stati Uniti CONMEBOL (5)  Arġentina  Brażil  Ċili  Paragwaj  Urugwaj OFC (1)  New Zealand

UEFA (13)  Danimarka  Ingilterra  Franza  Ġermanja  Greċja  Italja  Netherlands  Portugall  Serbja  Slovakkja  Slovenja  Spanja  Żvizzera

Timijiet kwalifikati kuluriti bl-aħdar. Għal-Leġġenda għal żoni oħra, ara hawnhekk.

Din hija l-ewwel edizzjoni tat-Tazza tad-Dinja li ma rat lil ebda tim jikkwalifikaw għall-ewwel darba, minkejja li tnejn minn dawk li kkwalifikaw (is-Slovakkja u s-Serbja) preċedentament kienu dehru f'isem żewġ pajjiżi oħra. Is-Slovakkja kienu ħadu sehem taħt l-isem taċ-Ċekoslovakkja, waqt li s-Serbja kkompetew bħala parti mill-Jugożlavja u tas-Serbja u Montenegro. Fiż-żewġ każi, il-FIFA ikkunsidrat liż-żewġ timijiet bħala l-eredi tar-rekords tal-pajjiżi li kienu jappartjenu għalihom qabel.

Kontroversji fil-kwalifikazzjoni

Kontroversja nqalgħet fuq il-partiti ta' kwalifika bejn Franza u r-Repubblika tal-Irlanda, il-Kosta Rika u l-Urugwaj, u l-Eġittu u l-Alġerija f'Novembru 2009.

Fit-tieni leg tal-play-off bejn Franza u r-Repubblika tal-Irlanda, il-kaptan ta' Franza Thierry Henry lagħab il-ballun b'idu f'azzjoni li wasslet għall-gowl tal-pari għall-Franċiżi, mingħajr ma kien jaf ir-referi.^[7] L-inċident qajjem dibattitu sħun fuq kif il-partiti għandhom jiġu mmexxija fl-ogħla livell. Il-FIFA irrifjutat ir-rikjesta min-naħa tal-Federazzjoni tal-futbol Irlandiża sabiex tirrepeti l-logħba, waqt li aktar tard kien hemm rikjesta sabiex l-Irlanda tkun it-33 tim fit-Tazza tad-Dinja, rikjesta li aktar tard ġiet imwaqqha. Il-Kosta Rika qajmet ilment fuq il-gowl tal-Urugwaj fil-logħba ta' spareġġ tal-CONMEBOL-CONCACAF li ta r-rebħa lis-Sud-Amerikani,^[8] waqt li l-aħħar partita bejn l-Eġittu u l-Aġerija kienet imdawwra minn rapporti fuq problemi fost il-partitarji.

Bħala tweġiba għall-inċidenti li nqalgħu matul il-fażi ta' kwalifikazzjoni u fuq kontroversja ta' tixħim fil-futbol, nhar it-2 ta' Diċembru 2009, il-FIFA sejħet laqgħa straordinarja tal-Kumitat Eżekuttiv. Wara l-laqgħa, il-FIFA ħabbret kienu se jagħmlu inkjesta fuq it-teknoloġija u uffiċjali żejda fil-partiti, però ma ħabbrux li kienu se jintroduċu l-assistenti mal-linji tal-gowls kif kienet diġà adottata fl-Europa League, u minflok kompla jiġi misħuq li l-kompetizzjoni fl-Afrika t'Isfel se tkun immexxiha bħal qabel, b'referi wieħed, żewġ assistenti, u r-raba' uffiċċjal.^[9] Fuq is-suġġett dwar il-logħob rett, il-President tal-FIFA Sepp Blatter stqarr:

“ Nappella lil kull plejer u kowċ sabiex josserva l-logħob rett. Fl-2010 iridu nuru li l-futbol imur 'il hemm minn sempliċi daqqiet ta' ballun imma għandu valur soċjali u kulturali...Għalhekk nistaqsu lill-plejers sabiex 'jekk jogħġobkom osservaw il-logħob rett' sabiex inkunu eżempju lill-kumplament tad-dinja. ”

—President tal-FIFA Sepp Blatter

Stadji

Fl-2005, l-organizzaturi ħarġu lista proviżorja tat-tlettax-il stadju li se jintużaw għat-Tazza tad-Dinja: Bloemfontein, Cape Town, Durban, Johannesburg (żewġ impjanti), Kimberley, Nelspruit, Orkney, Polokwane, Port Elizabeth, Pretorja (żewġ impjanti), u Rustenburg. Dan in-numru tnaqqas għal għaxra^[10] li kienu uffiċjalment mħabbra fis-17 ta' Marzu 2006 mill-FIFA:

Rustenburg	Pretorja	Polokwane	Nelspruit
Royal Bafokeng Stadium Kapaċità: 44,530	Loftus Versfeld Stadium Kapaċità: 49,365	Peter Mokaba Stadium Kapaċità: 45,264	Mbombela Stadium Kapaċità: 43,589
Johannesburg	Mappa tal-Afrika t'Isfel		Johannesburg
Soccer City Kapaċità: 94,700			Ellis Park Stadium Kapaċità: 62,567
Cape Town	Port Elizabeth	Bloemfontein	Durban
Free State Stadium Kapaċità: 45,058	Moses Mabhida Stadium Kapaċità: 69,957	Green Point Kapaċità: 66,005	Nelson Mandela Bay Stadium Kapaċità: 46,082

Preparamenti

Ħames stadji ġodda ġew mibnija għal dan il-kampjonat, u ħamsa minn dawk li diġà jeżistu ġew estiżi. L-ispiża totali tal-kostruzzjoni se tkun madwar R8.4 biljun.^[11]

Minbarra l-ħidma fuq l-istadji l-ġodda li nbnew u dawk li tranġaw, l-Afrika t'Isfel ħdamet biex ittejjeb l-infrastruttura preżenti tat-trasport pubbliku, u biex timplimenta miżuri speċjali sabiex tassigura s-sigurtà u s-saħħa tan-nies lokali u t-turisti internazzjonali li jkunu qed jattendu għall-partiti, skont il-kriterji tal-FIFA.^[12]

Il-mod ta' kif ġew effetwati dawn il-preparamenti, intlaqa' minn rispons qawwi mill-FIFA, fejn deher li kienu lesti sabiex jospitaw ġewwa pajjiżhom wieħed mill-ikbar avvenimenti sportivi li huwa segwit b'tant fervur minn miljuni ta' nies.^[13]

Sorteġġ tal-gruppi

Il-Kumitat Organizzattiv tal-FIFA approvat il-proċedura għat-tlugħ finali tal-gruppi nhar it-2 ta' Diċembru 2009. It-timijiet ġew maqsuma f'erba' urni differenti, bl-aqwa seba' timijiet skont il-klassifika dinjija tal-FIFA ta' Ottubru 2009 flimkien mal-ospitanti tal-Afrika t'Isfel jitqgħedu fl-ewwel urna. Il-kumitat approva wkoll kif se jkunu magħmula l-urni l-oħra. It-tieni urna kienet komposta mill-Asja, l-Oċeanja, u l-Amerika ta' Fuq u Ċentrali u l-Karibew. It-tielet urna kienet tikkonsisti minn timijiet mill-Afrika u l-Amerika t'Isfel, u r-raba' urna bil-kumplament tat-timijiet Ewropej.

L-Afrika t'Isfel awtomatikament tqegħdu f'A1; is-seba' timijiet l-oħra mill-ewwel urna ġew pożizzjonati f'numru 1 tal-gruppi l-oħra B-H. Il-gruppi ġew mtella' minn A sa H, u l-pożizzjonijiet fil-grupp ġew mtella' għal Urna 2 sa 4. Il-kriterju ġeografiku ġie rispettat, jiġifieri li l-ebda tim mill-istess konfederazzjoni ma jista' jiġi fi grupp ma' tim ieħor mill-istess konfederazzjoni, ħlief għat-timijiet Ewropej li seta' jkun hemm massimu ta' tnejn fi grupp. L-Afrika t'Isfel ma setgħetx tiġi mniżżla mat-timijeit Afrika mill-Urna 3 u l-Arġentina u l-Brażil ma setgħux jiġu mtella' kontra l-kumplament tat-tliet timijiet miż-Żona tal-Amerika t'Isfel. L-ewwel żewġ timijiet Afrikani li ttellgħu minn Urna 3 daħlu mal-Arġentina u l-Brażil.^[14]

Urna 1	Urna 2	Urna 3	Urna 4
Afrika t'Isfel  Brażil  Spanja  Netherlands  Italja  Ġermanja  Arġentina  Ingilterra	Awstralja  Ġappun  Korea ta' Fuq  Korea t'Isfel  Ħonduras  Messiku  Stati Uniti  New Zealand	Alġerija  Kamerun  Kosta tal-Avorju  Gana  Niġerja  Ċili  Paragwaj  Urugwaj	Danimarka  Franza  Greċja  Portugall  Serbja  Slovakkja  Slovenja  Żvizzera

It-tlugħ tal-poloz saru f'Cape Town, fl-Afrika t'Isfel fis-19:00 (UTC+2) nhar l-4 ta' Diċembru 2009. Iċ-ċerimonja ġiet preżentata mill-attriċi Sud-Afrikana Charlize Theron, assistita mis-Segretarju Ġenerali tal-FIFA Jérôme Valcke. Numru ta' figuri sportivi taw sehemhom fit-tlugħ tal-poloz għall-gruppi.^[15]

Grupp A	Grupp B	Grupp Ċ	Grupp D
Afrika t'Isfel	Arġentina	Ingilterra	Ġermanja
Messiku	Niġerja	Stati Uniti	Awstralja
Urugwaj	Korea t'Isfel	Alġerija	Serbja
Franza	Greċja	Slovenja	Gana

Grupp E	Grupp F	Grupp Ġ	Grupp H
Netherlands	Italja	Brażil	Spanja
Danimarka	Paragwaj	Korea ta' Fuq	Żvizzera
Ġappun	New Zealand	Kosta tal-Avorju	Ħonduras
Kamerun	Slovakkja	Portugall	Ċili

Referis

AFC Khalil Al Ghamdi Ravshan Irmatov Subkhiddin Mohd Salleh Yuichi Nishimura CAF Koman Coulibaly Jerome Damon Eddy Maillet CONCACAF Joel Aguilar Benito Archundia Carlos Batres Marco Antonio Rodríguez CONMEBOL Héctor Baldassi Jorge Larrionda Pablo Pozo Óscar Ruiz Carlos Eugênio Simon Martín Vázquez

OFC Michael Hester Peter O'Leary UEFA Olegário Benquerença Massimo Busacca Frank De Bleeckere Martin Hansson Viktor Kassai Stéphane Lannoy Roberto Rosetti Wolfgang Stark Alberto Undiano Mallenco Howard Webb

Skeda

Il-ħinijiet kollha huma UTC+2.

Fażi tal-gruppi

Fit-tabelli segwenti:

• L = total ta' logħob li ntlagħbu
• R = total ta' rebħiet
• P = total ta' pari
• T = total ta' telfiet
• GF = total ta' gowls skurjati (favur)
• GK = total ta' gowls li laqqtu (kontra)
• DG = differenza ta' gowls (GF–GK)
• Pti = total ta' punti akkumulati

It-timijiet pożizzjonati fl-ewwel u t-tieni post (bi sfond aħdar) ikkwalifikaw għar-rawnd tal-aħħar sittax.

Leġġenda għall-kuluri fit-tabelli tal-gruppi
	Timijiet li avvanzaw għar-rawnd ta' L-Aħħar sittax

Pożizzjonijiet fil-fażi tal-gruppi

Għat-turnew tat-Tazza tad-Dinja, il-FIFA iddeċidiet sett ta' kriterji sabiex tidentifika kull pożizzjoni fil-grupp ta' kull tim fil-fażi tal-gruppi.^[16]

1. l-ikbar numru ta' punti miksuba fil-partiti kollha tal-grupp;
2. differenza ta' gowls fil-partiti kollha tal-grupp;
3. l-ikbar numru ta' gowls skurjati fil-partiti kollha tal-grupp;
4. l-ikbar numru ta' punti miksuba fil-partiti tal-grupp bejn it-timijiet konċernati;
5. differenza ta' gowls mill-partiti tal-grupp bejn it-timijiet konċernati;
6. l-ikbar numru ta' gowls skurjati fil-partiti tal-grupp bejn it-timijiet konċernati;
7. tlugħ tax-xorti mill-Kumitat Organizzattiv tal-FIFA.

Grupp A

Tim	L	R	P	T	GF	GK	DG	Pti
Urugwaj	3	2	1	0	4	0	+4	7
Messiku	3	1	1	1	3	2	+1	4
Afrika t'Isfel	3	1	1	1	3	5	–2	4
Franza	3	0	1	2	1	4	–3	1

11 ta' Ġunju 2010
Afrika t'Isfel	1–1	Messiku	Soccer City, Johannesburg
Urugwaj	0–0	Franza	Cape Town Stadium, Cape Town
16 ta' Ġunju 2010
Afrika t'Isfel	0–3	Urugwaj	Loftus Versfeld Stadium, Pretorja
17 ta' Ġunju 2010
Franza	0–2	Messiku	Peter Mokaba Stadium, Polokwane
22 ta' Ġunju 2010
Messiku	0–1	Urugwaj	Royal Bafokeng Stadium, Rustenburg
Franza	1–2	Afrika t'Isfel	Free State Stadium, Bloemfontein

Grupp B

Tim	L	R	P	T	GF	GK	DG	Pti
Arġentina	3	3	0	0	7	1	+6	9
Korea t'Isfel	3	1	1	1	5	6	−1	4
Greċja	2	1	0	2	2	5	−3	3
Niġerja	3	0	1	2	3	5	−2	1

12 ta' Ġunju 2010
Korea t'Isfel	2–0	Greċja	Nelson Mandela Bay Stadium, Port Elizabeth
Arġentina	1–0	Niġerja	Ellis Park Stadium, Johannesburg
17 ta' Ġunju 2010
Arġentina	4–1	Korea t'Isfel	Soccer City, Johannesburg
Greċja	2–1	Niġerja	Free State Stadium, Bloemfontein
22 ta' Ġunju 2010
Niġerja	2–2	Korea t'Isfel	Moses Mabhida Stadium, Durban
Greċja	0–2	Arġentina	Peter Mokaba Stadium, Polokwane

Grupp Ċ

Tim	L	R	P	T	GF	GK	DG	Pti
Stati Uniti	3	1	2	0	4	3	+1	5
Ingilterra	3	1	2	0	2	1	+1	5
Slovenja	3	0	2	1	3	3	0	4
Alġerija	3	0	1	2	0	2	−2	1

12 ta' Ġunju 2010
Ingilterra	1–1	Stati Uniti	Royal Bafokeng Stadium, Rustenburg
13 ta' Ġunju 2010
Alġerija	0–1	Slovenja	Peter Mokaba Stadium, Polokwane
18 ta' Ġunju 2010
Slovenja	2–2	Stati Uniti	Ellis Park Stadium, Johannesburg
Ingilterra	0–0	Alġerija	Cape Town Stadium, Cape Town
23 ta' Ġunju 2010
Slovenja	0–1	Ingilterra	Nelson Mandela Bay Stadium, Port Elizabeth
Stati Uniti	1–0	Alġerija	Loftus Versfeld Stadium, Pretorja

Grupp D

Tim	L	R	P	T	GF	GK	DG	Pti
Ġermanja	3	2	0	1	5	1	+4	6
Gana	3	1	1	1	2	2	0	4
Awstralja	3	1	1	1	3	6	−3	4
Serbja	3	1	0	2	2	3	−1	3

13 ta' Ġunju 2010
Serbja	0–1	Gana	Loftus Versfeld Stadium, Pretorja
Ġermanja	4–0	Awstralja	Moses Mabhida Stadium, Durban
18 ta' Ġunju 2010
Ġermanja	0–1	Serbja	Nelson Mandela Bay Stadium, Port Elizabeth
19 ta' Ġunju 2010
Gana	1–1	Awstralja	Royal Bafokeng Stadium, Rustenburg
23 ta' Ġunju 2010
Gana	0–1	Ġermanja	Soccer City, Johannesburg
Awstralja	2–1	Serbja	Mbombela Stadium, Nelspruit

Grupp E

Tim	L	R	P	T	GF	GK	DG	Pti
Netherlands	3	3	0	0	5	1	+4	9
Ġappun	3	2	0	1	4	2	+2	6
Danimarka	3	1	0	2	3	6	−3	3
Kamerun	3	0	0	3	2	5	−3	0

14 ta' Ġunju 2010
Netherlands	2–0	Danimarka	Soccer City, Johannesburg
Ġappun	1–0	Kamerun	Free State Stadium, Bloemfontein
19 ta' Ġunju 2010
Netherlands	1–0	Ġappun	Moses Mabhida Stadium, Durban
Kamerun	1–2	Danimarka	Loftus Versfeld Stadium, Pretorja
24 ta' Ġunju 2010
Danimarka	1–3	Ġappun	Royal Bafokeng Stadium, Rustenburg
Kamerun	1–2	Netherlands	Cape Town Stadium, Cape Town

Grupp F

Tim	L	R	P	T	GF	GK	DG	Pti
Paragwaj	3	1	2	0	3	1	+2	5
Slovakkja	3	1	1	1	4	5	−1	4
New Zealand	3	0	3	0	2	2	0	3
Italja	3	0	2	1	4	5	−1	2

14 ta' Ġunju 2010
Italja	1–1	Paragwaj	Cape Town Stadium, Cape Town
15 ta' Ġunju 2010
New Zealand	1–1	Slovakkja	Royal Bafokeng Stadium, Rustenburg
20 ta' Ġunju 2010
Slovakkja	0–2	Paragwaj	Free State Stadium, Bloemfontein
Italja	1–1	New Zealand	Mbombela Stadium, Nelspruit
24 ta' Ġunju 2010
Slovakkja	3–2	Italja	Ellis Park Stadium, Johannesburg
Paragwaj	0–0	New Zealand	Peter Mokaba Stadium, Polokwane

Grupp Ġ

Tim	L	R	P	T	GF	GK	DG	Pti
Brażil	3	2	1	0	5	2	+3	7
Portugall	3	1	2	0	7	0	+7	5
Kosta tal-Avorju	3	1	1	1	4	3	+1	4
Korea ta' Fuq	3	0	0	3	1	12	−11	0

15 ta' Ġunju 2010
Kosta tal-Avorju	0–0	Portugall	Nelson Mandela Bay Stadium, Port Elizabeth
Brażil	2–1	Korea ta' Fuq	Ellis Park Stadium, Johannesburg
20 ta' Ġunju 2010
Brażil	3–1	Kosta tal-Avorju	Soccer City, Johannesburg
21 ta' Ġunju 2010
Portugall	7–0	Korea ta' Fuq	Cape Town Stadium, Cape Town
25 ta' Ġunju 2010
Portugall	0–0	Brażil	Moses Mabhida Stadium, Durban
Korea ta' Fuq	0–3	Kosta tal-Avorju	Mbombela Stadium, Nelspruit

Grupp H

Tim	L	R	P	T	GF	GK	DG	Pti
Spanja	3	2	0	1	4	2	+2	6
Ċili	3	2	0	1	3	2	+1	6
Żvizzera	3	1	1	1	1	1	0	4
Ħonduras	3	0	1	2	0	3	−3	1

16 ta' Ġunju 2010
Ħonduras	0–1	Ċili	Mbombela Stadium, Nelspruit
Spanja	0–1	Żvizzera	Moses Mabhida Stadium, Durban
21 ta' Ġunju 2010
Ċili	1–0	Żvizzera	Nelson Mandela Bay Stadium, Port Elizabeth
Spanja	2–0	Ħonduras	Ellis Park Stadium, Johannesburg
25 ta' Ġunju 2010
Ċili	1–2	Spanja	Loftus Versfeld Stadium, Pretorja
Żvizzera	0–0	Ħonduras	Free State Stadium, Bloemfontein

Fażi eliminatorja

Fil-fażi eliminatorja (li tinkludi l-finali), jekk il-partita tibqa' f'pari wara 90 minuta, żewġ perjodi ta' ħin miżjuda jiġu migħluba (ta' kwarta kull wieħed). Jekk ir-riżultat jibqa' xorta l-istess wara l-ħin barrani, il-partita tiġi deċiża permezz tal-għoti tal-penalties.

L-aħħar sittax

Kwarti tal-finali

Semifinali

Finali

26 ta' Ġunju – Port Elizabeth

Urugwaj

2

2 ta' Lulju – Johannesburg

Korea t'Isfel

1

Urugwaj

1 (4)

26 ta' Ġunju – Rustenburg

Gana

1 (2)

Stati Uniti

1

6 ta' Lulju – Cape Town

Gana (ħ.s.)

2

Urugwaj

2

28 ta' Ġunju – Durban

Netherlands

3

Netherlands

2

2 ta' Lulju – Port Elizabeth

Slovakkja

1

Netherlands

2

28 ta' Ġunju – Johannesburg

Brażil

1

Brażil

3

11 ta' Lulju – Johannesburg

Ċili

0

Netherlands

0

27 ta' Ġunju – Johannesburg

Spanja

1

Arġentina

3

3 ta' Lulju – Cape Town

Messiku

1

Arġentina

0

27 ta' Ġunju – Bloemfontein

Ġermanja

4

Ġermanja

4

7 ta' Lulju – Durban

Ingilterra

1

Ġermanja

0

29 ta' Ġunju – Pretorja

Spanja

1

Logħba għat-tielet post

Paragwaj

0 (5)

3 ta' Lulju – Johannesburg

10 ta' Lulju – Port Elizabeth

Ġappun

0 (3)

Paragwaj

0

Urugwaj

2

29 ta' Ġunju – Cape Town

Spanja

1

Ġermanja

3

Spanja

1

Portugall

0

L-Aħħar sittax

26 ta' Ġunju 2010 16:00	Urugwaj	2 – 1	Korea t'Isfel	Nelson Mandela Bay Stadium, Port Elizabeth Attendenza: 30,597 Referi: Wolfgang Stark
	Suárez  8', 80'	Rapport	Lee Chung-Yong  68'

---

26 ta' Ġunju 2010 20:30	Stati Uniti	1 – 2 (ħ.s.)	Gana	Royal Bafokeng Stadium, Rustenburg Attendenza: 34,976 Referi: Viktor Kassai
	Donovan  62' (pen.)	Rapport	K. Boateng  5' Gyan  93'

---

27 ta' Ġunju 2010 16:00	Ġermanja	4 – 1	Ingilterra	Free State Stadium, Bloemfontein Attendenza: 40,510 Referi: Jorge Larrionda
	Klose  20' Podolski  32' Müller  67', 70'	Rapport	Upson  37'

---

27 ta' Ġunju 2010 20:30	Arġentina	3 – 1	Messiku	Soccer City, Johannesburg Attendenza: 84,377 Referi: Roberto Rosetti
	Tévez  26', 52' Higuaín  33'	Rapport	Hernández  71'

---

28 ta' Ġunju 2010 16:00	Netherlands	2 – 1	Slovakkja	Moses Mabhida Stadium, Durban Attendenza: 61,962 Referi: Alberto Undiano
	Robben  18' Sneijder  84'	Rapport	Vittek  90+4' (pen.)

---

28 ta' Ġunju 2010 20:30	Brażil	3 – 0	Ċili	Ellis Park Stadium, Johannesburg Attendenza: 54,096 Referi: Howard Webb
	Juan  34' L.Fabiano  38' Robinho  59'	Rapport

---

29 ta' Ġunju 2010 16:00	Paragwaj	0 – 0 (ħ.s.)	Ġappun	Loftus Versfeld Stadium, Pretoria Referi: Frank De Bleeckere
		Rapport
		Penalties
	Barreto Barrios Riveros Valdez Cardozo	5 – 3	Endō Hasebe Komano Honda

---

29 ta' Ġunju 2010 20:30	Spanja	1 – 0	Portugall	Cape Town Stadium, Cape Town Attendenza: 62,955 Referi: Héctor Baldassi
	Villa  63'	Rapport

Kwarti tal-finali

2 ta' Lulju 2010 16:00	Netherlands	2 – 1	Brażil	Nelson Mandela Bay Stadium, Port Elizabeth Attendenza: 40,186 Referi: Yuichi Nishimura
	Sneijder  53', 68'	Rapport	Robinho  10'

---

2 ta' Lulju 2010 20:30	Urugwaj	1 – 1 (ħ.s.)	Gana	Soccer City, Johannesburg Attendenza: 84,017 Referi: Olegário Benquerença
	Forlán  55'	Rapport	Muntari  45+2'
		Penalties
	Forlán Victorino Scotti M. Pereira Abreu	4 – 2	Gyan Appiah Mensah Adiyiah

---

3 ta' Lulju 2010 16:00	Arġentina	0 – 4	Ġermanja	Cape Town Stadium, Cape Town Attendenza: 64,100 Referi: Ravshan Irmatov
		Rapport	Müller  3' Klose  68', 89' Friedrich  74'

---

3 ta' Lulju 2010 20:30	Paragwaj	0 – 1	Spanja	Ellis Park Stadium, Johannesburg Attendenza: 55,359 Referi: Carlos Batres
		Rapport	Villa  83'

Semifinali

6 ta' Lulju 2010 20:30	Urugwaj	2 – 3	Netherlands	Cape Town Stadium, Cape Town Attendenza: 62,479 Referi: Ravshan Irmatov
	Forlán  41' M. Pereira  90+2'	Rapport	Van Bronckhorst  18' Sneijder  70' Robben  73'

---

7 ta' Lulju 2010 20:30	Ġermanja	0 – 1	Spanja	Moses Mabhida Stadium, Durban Attendenza: 60,960 Referi: Viktor Kassai
		Rapport	Puyol  73'

It-Tielet post

10 ta' Lulju 2010 20:30	Urugwaj	2 – 3	Ġermanja	Nelson Mandela Bay Stadium, Port Elizabeth Attendenza: 36,254 Referi: Benito Archundia
	Cavani  28' Forlán  51'	Rapport	Müller  19' Jansen  56' Khedira  82'

Finali

11 ta' Lulju 2010 20:30	Netherlands	0 – 1 (ħ.s.)	Spanja	Soccer City, Johannesburg Attendenza: 84,490 Referi: Howard Webb
		Rapport	Iniesta  116'

Statistika

Biex tapprofondixxi, ara l-artiklu: Statistika tat-Tazza tad-Dinja tal-Futbol 2010.

Skorers

Il-plejer Sud-Afrikan Siphiwe Tshabalala kien l-ewwel plejer li skorja gowl fil-kompetizzjoni, fil-logħba tal-ftuħ kontra l-Messiku li ntemmet 1–1. Id-difensur Daniż Simon Poulsen skorja l-ewwel awto-gowl tal-kampjonat, fit-telfa ta' 2–0 kontra l-Olanda. L-attakkant Arġentin Gonzalo Higuaín skorja l-ewwel tripletta f'dan it-turnew, fir-rebħa tal-Arġentina bl-iskor ta' 4–1 kontra l-Korea t'Isfel. Din it-tripletta kienet id-49 waħda fl-istorja tat-Tazza tad-Dinja

L-aqwa erba' skorers ta' din il-kompetizzjoni spiċċaw ilkoll b'ħames gowls. Iż-Żarbuna tad-Deheb marret għal Thomas Müller tal-Ġermanja li kellu tliet assits. Iż-Żarbuna tal-Fidda marret għal David Villa ta' Spanja li lagħab total ta' 635 minuta, u ż-Żarbuna tal-Bronż marret f'idejn Wesley Sneijder tal-Olanda li lagħab 652 minuta. Diego Forlán tal-Urugwaj kellu ħames gowls u assist wieħed f'654 minutA. Tliet plejers oħra skorjaw erba' gowls.

Dixxiplina

Tmienja u għoxrin plejer ġew sospiżi minħabba li laqqtu żewġ karti sofor konsekuttivi (tlettax-il plejer), karta ħamra diretta (tmien plejers), jew karta safra b'karta ħamra aktar tard (seba' plejers).

Unuri

Żarbuna tad-Deheb	Ballun tad-Deheb	Ingwanta tad-Deheb	L-Aqwa Plejer Żagħżugħ	Trofew FIFA Fair Play
Thomas Müller	Diego Forlán	Iker Casillas	Thomas Müller	Spanja

Simboli

Maskot

Il-maskot uffiċjali tat-Tazza tad-Dinja 2010 huwa Zakumi, leopard b'xagħar aħdar, li ġie mħabbar fit-22 ta' Settembru 2008. Ismu ġej minn "ZA", akronimu għal "Afrika t'Isfel", u "kumi" li hi kelma li tfisser "għaxra" f'diversi lingwi Afrikani.^[17] Il-kuluri tal-maskot jirriflettu dawk tat-tim nazzjonali tal-pajjiż ospitu – isfar u aħdar.

Kanzunetta uffiċjali

Il-kanzunetta uffiċjali tat-Tazza tad-Dinja "Waka Waka" hi kantat mill-kantanta Kolombjana Shakira u l-grupp mużikali Freshlyground mill-Afrika t'Isfel, u kantata bl-Ingliż u bl-Ispanjol.^[18] Il-kanzunetta hi bbażata fuq kanzunetta tradizzjonali tas-suldati Sud-Afrikani bl-isem ta' Zangalewa. Din il-kanzunetta tkantat fil-kunċert ta' qabel il-bidu tat-Tazza tad-Dinja fl-10 ta' Ġunju f'Soweto u kif ukoll fiċ-ċerimonja tal-futħ fil-11 ta' Ġunju u fil-finali tal-11 ta' Lulju.

Ballun uffiċjali

Il-ballun uffiċjali għat-Tazza tad-Dinja, magħmul minn adidas, iġib l-isem ta' Jabulani, li jfisser "ċelebrazzjoni" fil-lingwa Zulu. In-numru ħdax għandu rwol prominenti f'dan il-ballun: dan huwa l-ħdax-il ballun tat-Tazza tad-Dinja magħmul minn kumpanija Ġermaniża; il-ballun jinkludi fih ħdax-il kulur, wieħed għal kull plejer fil-grawnd; u hemm ħdax-il lingwa uffiċjali fl-Afrika t'Isfel.^[19] Ballun speċjali b'pannelli tad-deheb se jiġi wżat fil-finali ta' Johannesburg. Il-ballun hu mibni fuq disinn ġdid, li jikkonsisti minn tmien pannelli magħqudin flimkien b'mod sferiku.

Il-ballun ġie wżat waqt it-Tazza tad-Dinja tal-Klabbs 2009 li saret ġewwa l-Emirati Għarab Magħquda, u verżjoni speċjali tal-ballun, il-Jabulani Angola, kien il-ballun uffiċjali tat-Tazza tan-Nazzjonijiet Afrikana 2010.

Xi stilel tal-futbol ilmentaw fuq il-ballun il-ġdid, fejn l-argument li ġabu 'l quddiem kien li t-trajjetorja tal-ballun kienet diffiċli biex wieħed jippredixxieha. Il-gowler Brażiljan Júlio César ikkompara l-ballun ma' wieħed li jixtri mingħanda tal-"ħanut" u li kien tajjeb għall-attakkanti waqt li jaħdem kontra l-gowlers.^[20] Ċerti żbalji li saru minn gowlers matul din it-Tazza tad-Dinja ġew attribwiti lil dan il-ballun.^[21]