Tim nazzjonali tal-futbol tal-Albanija

It-tim nazzjonali tal-futbol tal-Albanija jirrappreżenta lill-Albanija fid-dixxiplina sportiva tal-futbol internazzjonali u hu mmexxi mill-Assoċjazzjoni tal-Futbol tal-Albanija.

Albanija

Psewdonimu	Kuq e Zinjtë (Ħomor u Suwed)
Assoċjazzjoni	Federata Shqiptare e Futbollit
Konfederazzjoni	UEFA (Ewropa)
Kowċ	Edoardo Reja
Kaptan	Etrit Berisha
Rekord ta' preżenzi	Lorik Cana (93)
Rekord ta' gowls	Erjon Bogdani (18)
Stadju prinċipali	Qemal Stafa
Kodiċi tal-FIFA	ALB
L-ewwel kulur It-tieni kulur It-tielet kulur
Klassifika tal-FIFA
Pożizzjoni attwali	66
L-ogħla	22 (Awwissu 2015)
L-inqas	124 (Awwissu 1997)
L-ewwel logħba
Albanija 2–3 Jugożlavja  (Tirana, Albanija; 7 ta' Ottubru, 1946)
L-ikbar rebħa
Albanija 5–0 Vjetnam  (Bastia Umbra, Italja; 12 ta' Frar, 2003) Albanija 6–1 Ċipru  (Tirana, Albanija; 12 ta' Awwissu, 2009)
L-ikbar telfa
Ungerija 12–0 Albanija (Budapest, Ungerija; 24 ta' Settembru, 1950)
Kampjonati Ewropej
Preżenzi	1 (l-ewwel fl-2016)
L-aqwa riżultat	Fażi tal-gruppi (2016)

L-assoċjazzjoni nazzjonali ġiet fundata fis-6 ta' Ġunju 1930, però kellha tistenna sittax-il sena sakemm tiġi milgħuba l-ewwel logħba internazzjonali, fejn iddebuttaw kontra l-Jugożlavja fl-1946. Matul il-kungress tal-FIFA li sar bejn it-12 u s-16 ta' Ġunju tal-1932, l-Albanija ssieħbet mal-federazzjoni internazzjonali u fl-1954 hi kienet fost il-fundaturi tal-UEFA. L-Albanija kienet ġiet mistiedna sabiex tipparteċipa fit-Tazza tad-Dinja 1934, imma minħabba problemi organizzattivi kellhom jirtiraw il-parteċipazzjoni tagħhom.

Ħafna mill-partiti tat-tim nazzjonali tal-Albanija jintlagħbu ġewwa l-Qemal Stafa.

Storja

Tim nazzjonali tal-futbol tal-Albanija (2016)

Is-snin tal-bidu raw kampanja b'suċċess tat-Tazza tal-Balkani tal-1946. L-Albanija rebħu t-Tazza wara li għelbu lill-Jugożlavja bl-istess punti imma b'differenza ta' gowls aħjar. Il-partita finali kienet kontra r-Rumanija u ntrebħet 1–0. Erbat ijiem qabel, l-Albanija kienet diġà rebħet lill-Bulgarija 3–1. Hu interessanti l-fatt li l-Albanija ma kinitx mistenniha li tipparteċipa, imma l-irtirar tal-Greċja mit-turnew offra lill-Albanija ċ-ċans li tingħaqad fit-Tazza li ġiet ristabbilita wara l-gwerra.

Wara li ħadet sehem għall-ewwel darba fil-Kampjonati Ewropej tal-UEFA fl-1963, għall-edizzjoni tal-1964, fil-fażi ta' kwalifikazzjoni għall-Kampjonati Ewropej 1968, huma rnexxielhom jiksbu pari ta' mingħajr gowls kontra l-Ġermanja tal-Punent, li eventwalment wassal għall-eliminazzjoni ta' dan tal-aħħar. Matul dik l-era, l-Albanija kellha preżenti lil Panajot Pano, ikkunsidrat bħala l-aqwa plejer minn dan il-pajjiż.

Il-fażi ta' kwalifikazzjoni għat-Tazza tad-Dinja 1986 waslet aktar riżultati pożittivi bħall-pari ta' 2–2 barra minn darha kontra l-Polonja u rebħa ta' 2–0 kontra l-Belġu, li kienu spiċċaw semifinalisti tal-kompetizzjoni.

Il-kwalifikazzjoni għat-Tazza tad-Dinja 1994 rat lill-Albanija jilgħabu l-logħob ġewwa darhom fi stadji newtrali minħabba problemi politiċi ġewwa l-istess pajjiż. Madankollu, huma kisbu rebħa ta' 4–1 fuq it-Turkija f'logħba ta' ħbiberija fl-1998; l-unika darba li l-Albanija skurjaw aktar minn 3 gowls f'logħba internazzjonali sħiħa (minkejja li lura fl-1946 kienu rebħu 5–0 lill-Montenegro, fejn dakinhar dan tal-aħħar kien parti mill-Jugożlavja).

Matul il-fażi ta' kwalifika għall-Kampjonati Ewropej 2004, ra lill-Albanija jagħmlu rebħa storika ta' 3–1 fuq ir-Russja fi Shkodër. Fil-kwalifikazzjoni għat-Tazza tad-Dinja 2006, ra progress fir-riżultati, fejn l-aktar riżultat sodisfaċenti kien dak ta' rebħa ta' 2–1 kontra l-Greċja, fejn dawn tal-aħħar kienu għadhom kemm ġew inkurunati ċampjins tal-Ewropa.

Fl-14 ta' Marzu 2008, il-FIFA ħabbret li ssospendiet lill-Albanija minn kwalunkwe attività tal-futbol internazjonali, kemm fuq livell ta' klabb u anki dak nazzjonali. Ir-raġuni wara din ir-raġuni kienet minħabba n-nuqqas ta' qbil li kien hemm bejn il-Ministeru tal-Isport u l-federazzjoni Albaniża, li għadha attwalment miftuħa, fuq il-kontrolli finanzjarji li l-awtoritajiet tal-gvern riedu jagħmlu fuq il-kontijiet tal-federazzjoni. L-irifjutar min-naħa tal-federazzjoni wassal għall-ksur tar-rapporti, u b'konsegwenza t'hekk waslet l-esklużjoni mill-kompetizzjonijiet.

Id-29 ta' April tal-istess sena, il-kumitat tal-emerġenza tal-istess FIFA, wara taħdidiet li kellha ma' xi diriġenti tal-UEFA, tal-Federazzjoni tal-futbol Albaniża u tal-gvern ta' Tirana, irrevokat lura l-esklużjoni.

Kuluri u simboli

L-Albanija tilgħab b'uniformi ħamra b'xorts u kalzetti suwed, xi drabi b'dekorazzjonijiet bojod jew suwed. Barra minn darhom, l-uniformi tkun ħafna drabi bajda b'dekorazzjonijiet suwed jew ħomor. L-ewwel uniformi hi sempliċiment rappreżentazzjoni tal-bandiera Albaniża, li hi fil-fatt ħamra b'ajkla sewda fin-nofs.

L-istemma li tuża' l-iskwadra mhix l-istess bħal dik tal-Federazzjoni, li turi disinn tond bl-ajkla fiċ-ċentru, li tissimbolizza l-bandiera Albaniża, fejn madwarha hemm ċirku abjad bl-isem bil-lingwa oriġinali tal-federazzjoni miktub b'karattri tad-deheb.

Staff tekniku

Edoardo Reja inħatar fil-kariga bħala kowċ nazzjonali fl-2019

Rwol	Isem
Kowċ	Edoardo Reja
Assistenti	Sergio Porrini
	Ervin Bulku
	Hamdi Salihi
Kowċis atletiċi	Luca Laurenti
	Luigi Febbrari
Kowċ tal-gowlkipers	Ilir Bozhiqi
Fiżjoterapista	Altin Haxhia
Tabib	Gianluca Stesina

Plejers

• Il-plejers segwenti ġew magħżula għal-logħbiet tal-fażi ta' kwalifikazzjoni għat-Tazza tad-Dinja 2022 kontra l-Polonja, l-Ungerija u San Marino.
• In-numru ta' logħbiet u gowls huma validi sat-8 ta' Settembru 2021 wara l-logħba kontra San Marino.^[1]

Nru.	Poż.	Plejer	Data tat-twelid (età)	Preżenzi	Gowls	Klabb
1	1G	Etrit Berisha (Kaptan)	10 ta' Marzu 1989 (1989-03-10) (36 sena)	68	0	Torino
23	1G	Thomas Strakosha	19 ta' Marzu 1995 (1995-03-19) (30 sena)	16	0	Lazio
12	1G	Gentian Selmani	9 ta' Marzu 1998 (1998-03-09) (27 sena)	2	0	Boluspor
4	2D	Elseid Hysaj (Viċi-kaptan)	20 ta' Frar 1994 (1994-02-20) (31 sena)	61	2	Lazio
6	2D	Berat Djimsiti	19 ta' Frar 1993 (1993-02-19) (32 sena)	43	1	Atalanta
18	2D	Ardian Ismajli	30 ta' Settembru 1996 (1996-09-30) (28 sena)	20	1	Empoli
20	2D	Lorenc Trashi	19 ta' Mejju 1992 (1992-05-19) (33 sena)	12	1	Qadsia
15	2D	Marash Kumbulla	8 ta' Frar 2000 (2000-02-08) (25 sena)	9	0	Roma
22	2D	Albi Doka	26 ta' Ġunju 1997 (1997-06-26) (28 sena)	7	0	Gorica
13	2D	Enea Mihaj	5 ta' Lulju 1998 (1998-07-05) (27 sena)	6	0	PAOK
2	2D	Erion Hoxhallari	15 ta' Ottubru 1995 (1995-10-15) (29 sena)	2	0	Tirana
3	2D	Ramën Çepele	21 ta' Marzu 2003 (2003-03-21) (22 sena)	1	0	Hannover 96
21	3M	Odise Roshi	21 ta' Mejju 1991 (1991-05-21) (34 sena)	64	5	Boluspor
7	3M	Keidi Bare	28 ta' Awwissu 1997 (1997-08-28) (27 sena)	17	2	Espanyol
14	3M	Qazim Laçi	19 ta' Jannar 1996 (1996-01-19) (29 sena)	12	1	Ajaccio
5	3M	Ylber Ramadani	12 ta' April 1996 (1996-04-12) (29 sena)	12	1	MTK Budapest
9	3M	Endri Çekiçi	23 ta' Novembru 1996 (1996-11-23) (28 sena)	5	0	Konyaspor
8	3M	Nedim Bajrami	28 ta' Frar 1999 (1999-02-28) (26 sena)	2	0	Empoli
16	3M	Enis Çokaj	23 ta' Frar 1999 (1999-02-23) (26 sena)	1	0	Lokomotiva
19	4A	Bekim Balaj	11 ta' Jannar 1991 (1991-01-11) (34 sena)	45	8	Nizhny Novgorod
10	4A	Rey Manaj	24 ta' Frar 1997 (1997-02-24) (28 sena)	27	7	Spezia
11	4A	Myrto Uzuni	31 ta' Mejju 1995 (1995-05-31) (30 sena)	18	3	Ferencváros
17	4A	Armando Broja	10 ta' Settembru 2001 (2001-09-10) (23 sena)	8	2	Southampton

Storja tal-kompetizzjonijiet

Tazza tad-Dinja

• mill-1930 għall-1962 –'Ma ħaditx sehem
• 1966 – Ma kkwalifikatx
• 1970 – Daħla mhux aċċettata mill-FIFA
• 1974 – Ma kkwalifikatx
• 1978 – Ma ħaditx sehem
• mill-1982 għall-2006 – Ma kkwalifikatx

Kampjonati Ewropej

• 1960 – Ma ħaditx sehem
• mill-1964 għall-1972 – Ma kkwalifikatx
• 1976 – Ma ħaditx sehem
• mill-1980 għall-2008 – Ma kkwalifikatx