Saturno
From Wikipedia, the free encyclopedia
Saturno ye l sesto planeta de l Sistema Solar cun ua órbita antre las órbitas de Júpiter i Ourano. Ye l segundo maior planeta apuis de Júpiter, sendo un de ls planetas gigantes de l Sistema Solar, mas l de menor densidade, tanto que se eisistisse un ouceano grande l bastante, Saturno flutuarie nel. Sou aspeto más caratelístico ye sou brilhante sistema de anielhos, l solo besible de la Tierra. Sou nome probén de ls dius romano Saturno. Faç parte de ls chamados planetas steriores.
Saturno | |
---|---|
Planeta percipal | |
Caratelísticas orbitais | |
Periélio | 9,020 632 24 OA |
Afélio | 10,053 508 40 OA |
Circunferéncia orbital | 59,879 OA |
Scentricidade | 0,054 150 60 |
Período sinódico | 378,1 d (1,035 la) |
Belocidade orbital média | 9,638 km/s |
Anclinaçon | 2,484 46 |
Númaro de satélites | 60 (Eidantificados). |
Caratelísticas físicas | |
Ária de la superfície | 4,38×1010 km² |
Belume | 7,46×1014 km³ |
Massa | 5,688×1026 kg |
Densidade média | 0,69 g/cm³ |
Grabidade equatorial | 0,914 g |
Período de rotaçon | 10 d ( h) |
Albedo | 0,47 |
Saturno ye un planeta gazoso, percipalmente cumpuosto de heidrogénio (97%), cun ua pequeinha porporçon de hélio i outros eilemientos. Sou anterior cunsiste dun pequeinho núcleo rochoso i carambelo, cercado por ua spessa camada de heidrogénio metálico i ua camada sterna de gases. La atmosfera sterna ten ua aparéncia suabe, ambora la belocidade de l aire an Saturno puoda chegar a 1.800 km/h, seneficatibamente tan rápido cumo ls de Júpiter, mas nun tan rápidos cumo ls de Netuno. Saturno ten un campo magnético planetário antermediário antre las fuorças de la Tierra i l poderoso campo al redror de Júpiter.
Antes de la ambençon de l telscópio, Saturno era l más loinge de ls planetas coincidos. A uolho znudo nun parecie ser luminoso. L purmeiro al ouserbar sous anielhos fui Galileu an 1610, mas debido a la baixa anclinaçon de sous anielhos i la baixa resoluçon de sou telscópio le fazírun pensar la percípio que se trataba de grandes lunas. Christiaan Huygens cun melhores meios de ouserbaçon puode an 1659 bisualizar cun clareza ls anielhos. James Clerk Maxwell an 1859 demunstrou matematicamente que ls anielhos nun poderien ser un solo oubjeto sólido, sendo que deberian ser un agrupamiento de milhones de partículas de menor tamanho.
L mobimiento de rotaçon an buolta de l sou eixe demora cerca de 10,5 horas, i cada reboluçon al redror de l Sol lieba 30 anhos terrestres.
Ten un númaro eilebado de satélites, 60 çcubiertos até anton, de ls quales 35 ténen nomes, i stá cercado por un cumplexo de anielhos cuncéntricos, cumpuosto por dezenas de anielhos andebiduales apartados por anterbalos, stando l más sterior destes a 138 000 km de l centro de l planeta giralmente cumpuostos por restros de meteoros i cristais de carambelo. Alguns deilhes ténen l tamanho dua casa.
Saturno ye un sferóide oublato, sous diámetros polar i eiquatorial barian por quaije 10% (120.536 kn contra 108.728 km). Este ye l resultado de sue rápida rotaçon. Na linha de l eiquador ye notable ua pequeinha saliéncia, debido la belocidade de rotaçon. Ls outros planetas gazosos tamien son oublatos, mas nun menor grau. Saturno ye l solo de l sistema solar que ye menos denso que la auga, cun ua densidade specífica de 0.69. Esta ye ua média; la atmosfera superior de Saturno ye menos densa i sou núcleo cunsidrablemente más denso que la auga.