ကျောင်းတော်ရာ

ကျောင်းတော်ရာ သည် မကွေးတိုင်းဒေသကြီး၊ ပွင့်ဖြူမြို့နယ်၊ ကျောင်းတော်ရာကျေးရွာအုပ်စု တွင် ရှိသည်။ ကျောင်းတော်ရာကျေးရွာသည် မြန်မာနိုင်ငံရှိ ထင်ရှားသည့် စေတီပုထိုးများစာရင်းဝင်သည့် စန္ဒကူးနံ့သာကျောင်းတော်ရာဘုရား တည်ရှိသောကြောင့် လူသိများသော ရွာဖြစ်သည်။

ကျောင်းတော်ရာ
ရွာ
ကျောင်းတော်ရာ
ကျောင်းတော်ရာ ကျောင်းတော်ရာ တည်နေရာ၊ မြန်မာ။
ကိုဩဒိနိတ်: 20°21′49″N 94°46′06″E
နိုင်ငံ	မြန်မာ
တိုင်းဒေသကြီး	မကွေး
ခရိုင်	မင်းဘူးခရိုင်
မြို့နယ်	ပွင့်ဖြူမြို့နယ်
ကျေးရွာအုပ်စု	ကျောင်းတော်ရာ ၁

သမိုင်းကြောင်း

ဂေါတမဘုရားရှင်လက်ထက်တွင် မဟာပုဏ္ဏမထေရ်၏ ညီ စုဠပုဏ္ဏသူကြွယ် နှင့် ဝါဏိဇ္ဇဂါမရွာသား ငါးရာသော ကုန်သည်တို့ ကောင်းမှုအဖြစ် ဘုရားရှင်သီတင်းသုံးရန် ဆောက်လုပ်လှူဒါန်းခဲ့သော စန္ဒကူးနံ့သာကျောင်းတော်ရာကြီး တည်ရှိခဲ့သည့်နေနေကို အစွဲပြု၍ ကျောင်းတော်ရာ ဟုခေါ်တွင်ခဲ့သည်။^[၁]

အုပ်ချုပ်ရေး

ကျောင်းတော်ရာသည် ကျောင်းတော်ရာကျေးရွာအုပ်စု၏ အုပ်စုချုပ် ရွာကြီးဖြစ်သည်။ ရွာတည်နေရာကုတ်မှာ ၁၈၆၂၉၇ ဖြစ်သည်။ ^[၂] ကျောင်းတော်ရာကျေးရွာတွင် ကျောင်းတော်ရာမြို့မရပ်ကွက်၊ ကျောင်းတော်ရာမြို့သစ်ရပ်ကွက်၊ ပဉ္စရူပရပ်ကွက် နှင့် ရတနာပုံရပ်ကွက် ဟူ၍ ရပ်ကွက် (၄) ခုရှိသည်။ ကျောင်းတော်ရာကျေးရွာအုပ်စုတွင် ကျေးရွာ(၆)ရွာ ပါဝင်သည်။ အုပ်စုဝင်ကျေးရွာများမှာ

• ကျောင်းတော်ရာ
• ကျောင်းတော်ရာ (၂)
• ကျောက်ပန်းတောင်း
• ဇောင်ချမ်းကုန်း
• ဘူးသည်
• ရွာသစ်ကျေးရွာ တို့ဖြစ်သည်။

လူဦးရေ

• ကျောင်းတော်ရာကျေးရွာအုပ်စုတွင် ၂၀၁၄ သန်းခေါင်စာရင်းအရ လူဦးရေ စုစုပေါင်း (၅၅၁၅) ဦးရှိသည်။^[၃]

ပညာရေး

အခြေခံပညာအထက်တန်းကျောင်း(ကျောင်းတော်ရာ) ၁ ကျောင်း ရှိသည်။ ကလေးသူငယ်ပြုစုပျိုးထောင်ရေးကျောင်း ၂ ကျောင်း ရှိသည်။

စီးပွားရေး

လယ်ယာစိုက်ပျိုးရေးကို အဓိကထား လုပ်ကိုင်ကြသည်။

ဆက်သွယ်ရေး

မြန်မာ့ဆက်သွယ်ရေး စာတိုက် ၁ ခု နှင့် အော်တိုအိတ်ချိန်းဌာန ၁ ခု ရှိသည်။ ကျောင်းတော်ရာတွင် ကုန်းလမ်း ဆက်သွယ်ရေး ကောင်းမွန်လာပြီဖြစ်သောကြောင့် ရန်ကုန်မြို့ ၊ မန္တလေးမြို့ စသည့် မြို့ကြီးများတိုက်ရိုက် ခရီးစဉ်အဖြစ် အမြန်ယာဉ်လိုင်းကားဂိတ်များလည်း ရှိနေပြီ ဖြစ်သည်။

အစိုးရရုံးဌာနများ

• ကျေးရွာအုပ်စု အုပ်ချုပ်ရေးမှူးရုံး
• တောင်သူအကျိုးပြုလယ်စိုက်ရှင်းရုံး
• သစ်တောပျိုးဥယျာဉ်
• ကျေးလက်ကျန်းမားရေးဌာန (မကြာမီ တိုက်နယ်ဆေးရုံ အဖြစ် တိုးမြှင့်ဖွင့်လှစ်တော့မည်။ )
• မြန်မာ့လျှပ်စစ်ဓာတ်အားဖြန့်ဖြူးရေးဌာန
• အရန်မီးသတ်တပ်ဖွဲ

ဘာသာရေး

• စန္ဒကူးနံ့သာကျောင်းတော်ရာဘုရား^[၄]
• မဟာမုနိကြေးသွန်းရုပ်ပွားတော်^[၅]
• ကျောင်းကြီးကျောင်းတိုက်
• မိုးကုတ်ဝိပဿနာဓမ္မရိပ်သာ အဖွဲ့ခွဲအမှတ် (၄၄၁)
• ဓမ္မရသဓမ္မာရုံ
• ရွှေနိဗ္ဗာန် အရုဏ်ဆွမ်းလောင်းအသင်း
• သန္တိသုခ ဓမ္မာရုံ တို့ ရှိသည်။

ပရဟိတအသင်းအဖွဲ့များ

• သီတာရေကြည်လူငယ်အဖွဲ့
• မေတ္တာရှင်
• မဇ္ဈိမမေတ္တာ
• ဗိမာန်ရှင်