စိုင်းငေါင်းဆိုင်ဟိန်း
From Wikipedia, the free encyclopedia
Remove ads
စိုင်းငေါင်းဆိုင်ဟိန်း (၁၃ ဧပြီ ၁၉၇၀ - ၁၁ ဇူလိုင် ၂၀၂၅) သည် ရှမ်းလူမျိုး ကျောင်းဆရာ နှင့် လွှတ်တော်ကိုယ်စားလှယ်ဟောင်း နိုင်ငံရေးသမား ဖြစ်သည်။ သူသည် ရှမ်းပြည်နယ် တောင်ပိုင်း၊မောက်မယ် မဲဆန္ဒနယ်မှနေ၍ ၂၀၁၀၊၂၀၁၅ နှင့် ၂၀၂၀ အထွေထွေ ရွေးကောက်ပွဲ သုံးကြိမ်စလုံး အနိုင်ရခဲ့သည့် ပြည်သူ့လွှတ်တော်ကိုယ်စားလှယ် တစ်ဦးဖြစ်ပြီး ၂၀၂၁ စစ်အာဏာသိမ်းပြီးနောက်ပိုင်း သေနတ်သမားအချို့၏ လုပ်ကြံသတ်ဖြတ်မှုကြောင့် အသက်ဆုံးခဲ့ရသူလည်း ဖြစ်သည်။ သူသည် မောက်မယ်မြို့နယ် ကြံ့ခိုင်ရေးပါတီဥက္ကဋ္ဌလည်း ဖြစ်သည်။
Remove ads
ငယ်ဘဝ
သူသည် တက္ကသိုလ်ဝင်စာမေးပွဲအောင်မြင်ပြီး ပညာရေးတက္ကသိုလ် သို့ တက်ရောက်ကာ B.A,B.Edဘွဲ့ ရရှိသည်။ဘွဲ့ရသည့် အသက် ၁၉ နှစ်အရွယ်ကတည်းကစပြီး ပညာရေးလောကထဲ ကျောင်းဆရာ အဖြစ် ဝင်ရောက်ခဲ့သည်။ ၁၉၈၉ ခုနှစ် မှ ၂၀၀၁ ခုနှစ် အထိ မူလတန်းပြ၊ ၂၀၀၁ ခုနှစ် မှ ၂၀၀၆ ခုနှစ် အထိ အခြေခံပညာ မူလတန်းကျောင်းအုပ်၊ ၂၀၀၆ ခုနှစ် မှ ၂၀၀၈ ခုနှစ် အထိ အထက်တန်းပြ၊ ၂၀၀၈ ခုနှစ် မှ ၂၀၁၀ ခုနှစ် ထိ လက်ထောက်ပညာရေးမှူးအဖြစ် ရှမ်းပြည်နယ်၊ မောက်မယ်မြို့နယ်တွင်ပင် တာဝန်များအသီးသီး ထမ်းဆောင်ခဲ့ပြီး အငြိမ်းစားယူခဲ့သည်။[၁]
Remove ads
နိုင်ငံရေးဘဝဖြတ်သန်းမှု
သူသည် ၂၀၁၀ အထွထွေရွေးကောက်ပွဲ တွင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ကိုယ်စားပြုပြီး ရွေးကောက်ပွဲ ဝင်သည်။[၂] အနိုင်ရ၍ လွှတ်တော်အမတ် ဖြစ်လာသည်။ ယင်းအပြင် ၂၀၀၅ ခုနှစ် နှင့် ၂၀၂၀ ခုနှစ် အထွေထွေရွေးကောက်ပွဲ များတွင်လည်း ပါတီကိုယ်စားပြုဝင်ပြိုင်ကာ အနိုင်ရခဲ့ပြန်သည်။
လုပ်ကြံခံရခြင်း
၂၀၂၅ ခုနှစ် ဇူလိုင်လ ၁၁ရက်နေ့ နံနက် ၉နာရီ အချိန်တွင် ရှမ်းပြည်တောင်ပိုင်း၊ လင်းခေးခရိုင်၊ မောက်မယ်မြို့ အထွက် ၎င်း၏ လိမ္မော်စိုက်ပျိုးရေးခြံအတွင်း အမည်မသိသေနတ်သမားများ လက်ချက်ကြောင့် အသက်ဆုံးခဲ့ရသည်။ [၃]
ကိုးကား
Wikiwand - on
Seamless Wikipedia browsing. On steroids.
Remove ads