ပြည်သူ့ပါတီ
From Wikipedia, the free encyclopedia
Remove ads
ပြည်သူ့ပါတီ (အင်္ဂလိပ်: People's Party) သည် မြန်မာနိုင်ငံရှိ နိုင်ငံရေးပါတီတစ်ခု ဖြစ်သည်။ ရှစ်လေးလုံးအရေးအခင်း ကျောင်းသားမျိုးဆက်ဖြစ်သော ဦးကိုကိုကြီးက ဦးဆောင်သည့် ပါတီ ဖြစ်သည်။
Remove ads
ပါတီမှတ်ပုံတင်ခြင်း
၂၀၁၈
၂၀၁၈ ခုနှစ်တွင် ဦးကိုကိုကြီးသည် ရှစ်လေးလုံးပြည်သူ့ပါတီအမည်ဖြင့် ပါတီမှတ်ပုံတင်ရန် ပြန်လည်လျှောက်ထားခဲ့သည်။ သို့သော် ပါတီအမည် ကန့်ကွက်ခံရမှုကြောင့် ရှစ်လကျော်အကြာ ၂၀၁၈ ခုနှစ်၊ ဩဂုတ်လ (၂၃) ရက်နေ့တွင်မှ ပါတီမှတ်ပုံတင်ခွင့်ပြုခဲ့သည်။[၁][၂]
၂၀၂၃
နိုင်ငံတော်စီမံအုပ်ချုပ်ရေးကောင်စီမှ အသစ်ဖွဲ့စည်းခဲ့သော ပြည်ထောင်စုရွေးကောက်ပွဲကော်မရှင်သည် ၂၀၂၃ ခုနှစ်၊ ဇန်နဝါရီလ (၃၁) ရက်နေ့တွင် နိုင်ငံရေးပါတီများအား အသစ်ပြဋ္ဌာန်းလိုက်သည့် ဥပဒေအရ ပြန်လည်မှတ်ပုံတင်ရန် ကြေညာခဲ့ပြီးနောက်၊ ၂၀၂၃ ခုနှစ်၊ ဒီဇင်ဘာ (၂၉) ရက်နေ့၌ ပြည်သူ့ပါတီကို ၂၀၂၃ ခုနှစ်၊ နိုင်ငံရေးပါတီများ မှတ်ပုံတင်ခြင်းနည်းဥပဒေအရ ကြေညာချက်အမှတ် (၅၄/၂၀၂၃) ဖြင့် ခွင့်ပြုခဲ့ပါသည်။ ပါတီ၏ မှတ်ပုံတင်အမှတ်မှာ (၄၇) ဖြစ်သည်။[၃][၄] ပြည်ထောင်စုတစ်ဝန်းလုံး ယှဉ်ပြိုင်မည် ဖြစ်သည်။
Remove ads
ပါတီပူးပေါင်းခြင်း
ပြည်သူ့လွှတ်တော်ကိုယ်စားလှယ်ဟောင်း ဦးစိန်ဝင်း ဦးဆောင်သည့် ပယ်ဖျက်ခံရသော အမျိုးသားညီညွတ်သောဒီမိုကရက်တစ်ပါတီ (NUDP) သည် ဦးကိုကိုကြီး ဦးဆောင်သော ပြည်သူ့ပါ တီနှင့်လည်း ၂၀၂၃ ခုနှစ်၊ ဖေဖော်ဝါရီလတွင် ပူးပေါင်းခဲ့သည်။[၃][၅]
ပါတီဌာနချုပ်
ရန်ကုန်တိုင်းဒေသကြီး၊ ပုဇွန်တောင်မြို့နယ်၊ မဟာဗန္ဓုလလမ်းမ၊ မဟာဗန္ဓုလအိမ်ရာ၊ အမှတ် (၆၂)၊ တိုက် (ဒီ)၊ (၉) လွှာ၊ အခန်း (၉၀၂) တွင် ပါတီရုံးချုပ်ဖွင့်လှစ်ထားသည်။[၄]
ရွေးကောက်ပွဲ ဝင်ပြိုင်မှု
၂၀၂၀ ရွေးကောက်ပွဲ
ပြည်သူ့ပါတီက တိုင်းနှင့်ပြည်နယ် ၁၁ ခုတွင် ကိုယ်စားလှယ်လောင်း ၁၅၂ ဦးဝင်ပြိုင်မည်ဟု ကြေညာခဲ့သည်။[၆] သို့သော် အကြောင်းကြောင်းကြောင့် ကိုယ်စားလှယ် ၁၄၄ ဦးသာ ဝင်ရောက်ယှဉ်ပြိုင်ခဲ့ပြီး လွှတ်တော် တစ်နေရာမှ အနိုင်ရမှုမရှိပါ။ [၇] ပါတီဥက္ကဋ္ဌ ဦးကိုကိုကြီးမှာ တောင်ဥက္ကလာပမြို့နယ် မဲဆန္ဒနယ်ကိုယ်စားပြု ပြည်သူ့လွှတ်တော် ကိုယ်စားလှယ်လောင်းအဖြစ် ယှဉ်ပြိုင်ခဲ့သည်။[၆]
၂၀၂၅ ရွေးကောက်ပွဲ
ပါတီသတင်း
ကိုးကား
Wikiwand - on
Seamless Wikipedia browsing. On steroids.
Remove ads