အမျိုးသားနိုင်ငံရေးဒီမိုကရက်တစ်ပါတီ
From Wikipedia, the free encyclopedia
Remove ads
အမျိုးသားနိုင်ငံရေးဒီမိုကရက်တစ်ပါတီ (အင်္ဂလိပ်: Democratic Party of National Politics, အတိုကောက်: DNP) သည် ၂၀၂၀ ရွေးကောက်ပွဲတွင် ဝင်ပြိုင်ရန် သမ္မတရုံးဝန်ကြီးဟောင်း ဦးစိုးမောင် ဦးဆောင်တည်ထောင်ခဲ့သည်။[၁]
Remove ads
နောက်ခံသမိုင်း
သမ္မတ ဦးသိန်းစိန် အစိုးရလက်ထက် သမ္မတရုံးဝန်ကြီး ဦးစိုးမောင်နှင့် အခြားဗိုလ်ချုပ်ဟောင်းအချို့ ဦးဆောင်သော အမျိုးသားနိုင်ငံရေးဒီမိုကရက်တစ်ပါတီ (Democratic Party of National Politics – DNP) သည် မေလ ၁၇ ရက်နေ့တွင် ပြည်ထောင်စုရွေးကောက်ပွဲကော်မရှင်ထံမှ ပါတီမှတ်ပုံတင်ခွင့် ရရှိခဲ့သည်။ ပါတီမှတ်ပုံတင်ရန်အတွက် သမ္မတရုံးဝန်ကြီးဟောင်း၊ ဒုတိယဗိုလ်ချုပ်ကြီး (ငြိမ်း) ဦးစိုးမောင်က ခေါင်းဆောင်အဖြစ်လည်းကောင်း၊ ပြည်ထောင်စုရာထူးဝန်အဖွဲ့ ဥက္ကဋ္ဌဟောင်း ဗိုလ်ချုပ် (ငြိမ်း) ဦးကျော်သူက ဒုတိယခေါင်းဆောင်အဖြစ်လည်းကောင်း လျှောက်ထားခဲ့ကြသည်။ ပြည်ထောင်စုစာရင်းစစ်ချုပ်ဟောင်း ဗိုလ်ချုပ် (ငြိမ်း) ဦးလွန်းမောင်လည်း ပါဝင်သည်ဟု သတင်းများ ထွက်ပေါ်ခဲ့သည်။ မူလက အမျိုးသားနိုင်ငံရေးပါတီ အမည်ဖြင့် မှတ်ပုံတင်ရန် လျှောက်ထားခဲ့သော်လည်း ယင်းအမည်ကို ပြည်ထောင်စုရွေးကောက်ပွဲကော်မရှင်က ခွင့်မပြုခဲ့သောကြောင့် အမျိုးသားနိုင်ငံရေးဒီမိုကရက်တစ်ပါတီအဖြစ် ပြောင်းလဲ မှတ်ပုံတင်ခဲ့ခြင်းဖြစ်သည်။[၂]
ပါတီ၏ ဆောင်ပုဒ်များမှာ "အမျိုးသားစီးပွားရေးသည် ပထမ"၊ "အမျိုးသားပညာရေးသည် အဓိက"၊ "အမျိုးသားစည်းလုံးညီညွတ်ရေးသည် ပဓာန" နှင့် "အမျိုးသားနိုင်ငံရေးသည် ထာဝရ" ဟူ၍ ဖြစ်ပါသည်။[၃]
Remove ads
ပါတီမှတ်ပုံတင်ခြင်း
၂၀၂၃ ခုနှစ် နိုင်ငံရေးပါတီများ မှတ်ပုံတင်ခြင်းနည်းဥပဒေအရ ပြည်ထောင်စုရွေးကောက်ပွဲကော်မရှင်သို့ ပြန်လည်မှတ်ပုံတင်ခဲ့ရာ DNP ပါတီကို ၂၀၂၃ ခုနှစ်၊ ဇွန်လ ၉ ရက်နေ့မှစ၍ နိုင်ငံရေးပါတီများမှတ်ပုံတင်ခြင်း ဥပဒေပုဒ်မ ၉ နှင့်အညီ မှတ်ပုံတင်ခွင့်ပြုခဲ့သည်။ အမျိုးသားနိုင်ငံရေး ဒီမိုကရက်တစ်ပါတီ (Democratic Party of National Politics, DNP) ၏ မှတ်ပုံတင်အမှတ်မှာ (၂၃) ဖြစ်ပါသည်။ နေပြည်တော်၊ ပုဗ္ဗသီရိမြို့နယ်၊ ဇေယျဌာနီလမ်းနှင့် ပန်းခင်းလမ်းထောင့် (ဘဲကုန်းမီးပွိုင့်အနီး)၊ စင်္ကြာဒီပခြံတွင် ပါတီရုံးချုပ် ဖွင့်လှစ်ထားသည်။[၄]
Remove ads
ရွေးကောက်ပွဲ ဝင်ပြိုင်မှု
DNP ပါတီသည် ၂၀၂၀ ရွေးကောက်ပွဲမတိုင်ခင်က ဘာသာရေးမှိုင်းတိုက်သည့် ဟောပြောမှုများဖြင့် မဲဆွယ်စည်းရုံးမှုများ ရှိသည်။ [၅][၆]
၂၀၂၀ အထွေထွေရွေးကောက်ပွဲတွင် မဲဆန္ဒနယ် ၁၀၀ ကျော် ဝင်ရောက်ယှဉ်ပြိုင်ခဲ့သော်လည်း လွှတ်တော်ကိုယ်စားလှယ် တစ်နေရာမျှ အနိုင်မရရှိခဲ့ပါ။[၇]
၂၀၂၀ အထွေထွေ ရွေးကောက်ပွဲတွင် နစ်နာမှုများ ဖြစ်ပေါ်ခဲ့သည်ဟုဆိုကာ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ (USDP)၊ အမျိုးသားနိုင်ငံရေး ဒီမိုကရက်တစ်ပါတီ (DNP) တို့သည် နိုင်ငံတော်သမ္မတ ဦးဝင်းမြင့်နှင့် ပြည်ထောင်စုရွေးကောက်ပွဲကော်မရှင် ဥက္ကဋ္ဌ ဦးလှသိန်းတို့အား ပြည်ထောင်စုတရားလွှတ်တော်ချုပ်ထံ အာဏာပိုင်မေး စာချွန်လွှာ လျှောက်ထားခဲ့သည်။ [၈]
အမျိုးသားလွှတ်တော်
ပြည်သူ့လွှတ်တော်
ကိုးကား
Wikiwand - on
Seamless Wikipedia browsing. On steroids.
Remove ads