အောင်ကိုဝင်း
မြန်မာ့ထိပ်သီးစီးပွားရေးလုပ်ငန်းရှင် From Wikipedia, the free encyclopedia
Remove ads
ဦးအောင်ကိုဝင်း(၁၁နိုဝင်ဘာ၁၉၆၁ဖွား) သည် [၁] မြန်မာ့ထိပ်သီးစီးပွားရေးလုပ်ငန်းရှင်တစ်ဦးဖြစ်သည်။[၂] ဆရာကျောင်းဟူ၍လည်း လူသိများကာ ကမ္ဘောဇဘဏ် တည်ထောင်သူအဖြစ် ကျော်ကြားသည်။ သူသည် ဘဏ္ဍာရေး၊ စိုက်ပျိုးရေး၊စက်သုံးဆီ၊ လေကြောင်း၊ကျောက်စိမ်း၊ကျောက်မျက်[၃]၊သတ္ထု၊ဆောက်လုပ်ရေး၊ဟိုတယ်၊ ကုန်ထုတ်လုပ်မှုနှင့် ခရီးသွားကဏ္ဍများအထိ စီးပွားရေးနယ်ပယ်ကို ချဲ့ထွင်ထားသည်။
Remove ads
ငယ်ဘဝနှင့်ပညာရေး
မန္တလေးတက္ကသိုလ်မှနေ၍ ဓါတုဗေဒအထူးပြု ဘွဲ့ရရှိသည်။ သူသည် စီးပွားရေးလောကထဲသို့ မဝင်ရောက်မီအချိန်အထိ ရှမ်းပြည်နယ် တောင်ကြီးတွင် ကျောင်းဆရာတစ်ဦးအဖြစ် အသက်မွေးဝမ်းကျောင်းပြုသည်။
စီးပွားရေးလုပ်ငန်းလုပ်ကိုင်ခြင်း
၁၉၈၈ နောက်ပိုင်းကစပြီး ကုန်သွယ်ရေးနှင့်ကျောက်မျက်တူးဖော်ရေးလုပ်ငန်းဖြင့် စီးပွားရေးလောကထဲသို့ ဝင်ရောက်လာသည်။ယင်းနောက် သူသည် ကမ္ဘောဇဘဏ်လီမိတက်ကို ၁၉၉၄ ခုနှစ်တွင် ရှမ်းပြည်နယ်မြို့တော် တောင်ကြီးတွင် စတင်တည်ထောင်သည်။ထိုမှတဆင့် မိသားစုလိုက် ရန်ကုန်သို့ ပြောင်းရွှေ့အခြေချကာ ဘဏ်လုပ်ငန်းကို တိုးချဲ့သည်။ မြန်မာနိုင်ငံရှိ ပုဂ္ဂလိကဘဏ်များထဲ ဘဏ်ခွဲအများဆုံးဖွင့်နိုင်သည့် ဘဏ်အဖြစ် ဆယ်စုနှစ်အချိန်တစ်ခုအတွင်း ဆောင်ရွက်နိုင်ခဲ့သည်။ ထိုမျှမကသေး ကမ္ဘောဇလုပ်ငန်းစုကိုပါ တည်ထောင်၍ လေကြောင်းလိုင်း၊ ဆောက်လုပ်ရေး နှင့် အိမ်ခြံမြေ၊ ကုန်ထုတ်လုပ်မှုလုပ်ငန်း၊ အာမခံလုပ်ငန်း၊ ဟိုတယ်နှင့်ခရီးသွားလုပ်ငန်း၊ စိုက်ပျိုးရေး၊ စက်သုံးဆီလုပ်ငန်း အစရှိသော လုပ်ငန်းကဏ္ဍ အများအပြားကို ဒါဇင်နှင့် ချီသော ကုမ္ပဏီခွဲများဖြင့် မြန်မာနိုင်ငံ၏ ထိပ်တန်း စီးပွားရေး လုပ်ငန်းစုအဖြစ် ရပ်တည်လာအောင် စွမ်းဆောင်ခဲ့သည်။[၄]သူ၏ထင်ရှားသော လုပ်ငန်းများမှာ KBZ Bank၊ KBZ MS General Insurance၊ KBZ Life၊Myanmar Airways International MAI နှင့် Air KBZ တို့ဖြစ်သည်။သူသည် စစ်အစိုးရ ဒုတိယအကြီးအကဲ ဒုတိယဗိုလ်ချုပ်မှူးကြီးမောင်အေး နှင့် အထူးရင်းနှီးကျွမ်းဝင်သူဖြစ်ကာ ထိုသို့ရင်းနှီးကျွမ်းဝင်ခြင်းကတဆင့် စီးပွားရေးလုပ်ငန်းများ တစ်ရှိန်ထိုးတိုးချဲ့လာနိုင်သည်ဟု ဧရာဝတီသတင်းဌာနကဖော်ပြသည်။[၅] ယင်းအပြင် ဘာသာရေး ကိုင်းရှိုင်းပြီး အလှူအတန်း ရက်ရောသူ၊ စစ်အစိုးရအဆက်ဆက် စစ်ဗိုလ်ချုပ်ကြီးများနှင့် ဆက်ဆံရေးအဆက်မပြတ်ရှိနေသူ[၆] [၇] [၈] ၊ မြန်မာ့ခရိုနီကြီးများထဲ ဩဇာတိက္ကမ အကြီးဆုံးပုဂ္ဂိုလ်၊ မြန်မာ့ စီးပွားရေး လုပ်ငန်းရှင်များ၏ မြီရှင် အကြီးစားစသည်ဖြင့်လည်း အမျိုးမျိုး ဖော်ညွှန်းခံရသည်။ [၉]
Remove ads
အရေးယူပိတ်ဆို့ခံရမှု
စစ်အစိုးရနှင့်နီးကပ်မှုရှိ၍ သူ့အား ဥရောပသမဂ္ဂနှင့်ဗြိတိန်တို့က ၂၀၁၀ ခုနှစ်နှင့်၂၀၀၆ခုနှစ်တွင် ပိတ်ဆို့အရေးယူမှုထဲ ထည့်သွင်းသည်။ သို့သော်နောက်ပိုင်းတွင် ပိတ်ဆို့အရေးယူမှုမှ ဖယ်ရှားသည်။[၁၀] [၁၁]
ပုဂ္ဂိုလ်ရေးဘဝ
အောင်ကိုဝင်းသည် အိမ်ထောင်သည်တစ်ဦးဖြစ်ပြီး ဇနီးဖြစ်သူမှာ ကျောင်းဆရာမဟောင်း နန်းသန်းထွေးဖြစ်သည်။[၁၂] နန်းလိုင်းခမ်း [၁၃] [၁၄]၊နန်းခမ်းနောင့် [၁၅]၊နန်းမိုဟွမ် ဆိုသည့် သမီး(၃)ဦးထွန်းကားကာ ၎င်းတို့သည် စီးပွားရေးနယ်ပယ်ထဲ ထင်ရှားသည်။
ရရှိခဲ့သော ဆုတံဆိပ်များ
သူဦးဆောင်သော ကမ္ဘောဇဘဏ်နှင့်လုပ်ငန်းစုသည် ၂၀၁၅ ခုနှစ်အတွက် မြန်မာနိုင်ငံတွင် အကောင်းဆုံး ကူးသန်းရောင်းဝယ်ရေးဘဏ်နှင့် World Finance မှ ချီးမြှင့်သော Best Retail Bank in Myanmar 2015[၁၆] နှင့် ၂၀၁၇ခုနှစ်တွင် အာဆီယံစီးပွားရေးအကြံပေးကောင်စီ-ABAC မှ ပေးအပ်ချီးမြှင့်သည့် ASEAN's The Legacy Award တို့ကို ရရှိသည်။[၁၇]၂၀၁၁ -၂၀၁၂ စည်းကြပ်နှစ်မှ ၂၀၁၇ – ၂၀၁၈ စည်းကြပ်နှစ်အထိ တစ်နိုင်ငံလုံးတွင် ပထမနေရာမှ (၇)နှစ်ဆက်တိုက် ဝင်ငွေခွန်အများဆုံးထမ်းဆောင်မှုအတွက် ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ၏ အထူးဂုဏ်ထူးဆောင်ဆုလည်း ရရှိခဲ့သည်။[၁၈]ထို့အပြင် သရေစည်သူဘွဲ့ [၁၉] ၊ဝဏ္ဏကျော်ထင်ဘွဲ့ ၊စည်သူဘွဲ့ [၂၀]စသည့်ဘွဲ့များအပြင် သာသနာတော်ဆိုင်ရာဘွဲ့တံဆိပ်များလည်း ချီးမြှင့်ခံရသည်။
Remove ads
လှူဒါန်းမှုများ
သူသည် အလှူအတန်းအလွန်ရက်ရောသူဖြစ်သည်။၂၀၁၅ ခုနှစ်က ထုတ်ပြန်ခဲ့သော စာရင်းတစ်ခုထဲ သူသည် မြန်မာနိုင်ငံအနှံ့ ရေဘေးသင့်ဒေသများတွင် ရေဘေးကယ်ဆယ်ရေးအတွက် အမေရိကန်ဒေါ်လာ ၃.၆ သန်းကျော် လှူဒါန်းသည်။[၂၁]သူ၏ သမီးများဖြစ်သည့် ကမ္ဘောဇဘဏ်၏ ဒုတိယအမှုဆောင်အရာရှိချုပ်များဖြစ်သော ဒေါ်နန်းလိုင်းခမ်းနှင့် ဒေါ်နန်းခမ်းနောင့်တို့ ဦးဆောင်လျက်ရှိသော ကမ္ဘောဇအနာဂတ် အလင်းတန်း မြန်မာဖောင်ဒေးရှင်းသည်ပင်လျှင် စတင်တည်ထောင်ခဲ့သည့် ၂၀၀၈ ခုနှစ်မှ ၂၀၁၉ ဇန်နဝါရီအထိ နိုင်ငံတော်နှင့် ပြည်သူအတွက် လှူဒါန်းငွေက ငွေကျပ် (၁၅၂) ဘီလီယံကျော်ရှိနေသည်။ ထို့အပြင် ၂၀၂၁ ခုနှစ် ဇန်နဝါရီ ၇ရက်တွင် မြန်မာပြည်သူများ ကာကွယ်ဆေး အခမဲ့ထိုးနှံနိုင်ရေးအတွက် COVID-19 ကာကွယ်ဆေး ဝယ်ယူရန် ငွေကျပ် သန်း ၃၀၀၀ ( ငွေကျပ် ၃ ဘီလီယံ) ကို လှူသည်။ မြန်မာနိုင်ငံတွင် ကိုဗစ်-၁၉ ကမ္ဘာ့ကပ်ရောဂါ ကာကွယ်၊ ကုသ၊ ထိန်းချုပ်ရေးအတွက် ၂၀၂၀ ဖေဖော်ဝါရီလမှ စတင်ကာ ၂၀၂၁အထိ လှူဒါန်းငွေသည် ငွေကျပ် ၁၄.၂ ဘီလီယံကျော် ရှိသည်။ [၂၂]
Remove ads
ကိုးကား
Wikiwand - on
Seamless Wikipedia browsing. On steroids.
Remove ads