စိုးမြတ်သူဇာ

စိုးမြတ်သူဇာ (၃၁ ဩဂုတ် ၁၉၇၁ မွေးဖွား) သည် မြန်မာ့ရုပ်ရှင်ထူးချွန်ဆု သုံးကြိမ်ရ မြန်မာ သရုပ်ဆောင်နှင့် စာရေးဆရာမ ဖြစ်သည်။^{[၁][၂][၃]}

စိုးမြတ်သူဇာ
မွေးဖွား	စိုးမြတ်သူဇာ (1971-08-31) ဩဂုတ် ၃၁၊ ၁၉၇၁ (အသက် ၅၄) ရန်ကုန်မြို့
နိုင်ငံလူမျိုး	မြန်မာ
ပညာရေး	အဝေးသင်တက္ကသိုလ်(ရန်ကုန်)
အလုပ်အကိုင်	သရုပ်ဆောင်၊ စာရေးဆရာ
တက်ကြွလှုပ်ရှားနှစ်များ	၁၉၈၉–လက်ရှိ
အရပ်	၅ ft ၆ in (၁.၆၈ m)
မိဘ(များ)	ဗိုလ်မှူး စိုးမြင့် (ဖခင်) ဒေါ်ကြည်ကြည်ခင် (မိခင်)
ရရှိသည့်ဆုများ	မြန်မာ့ ရုပ်ရှင် ထူးချွန်ဆု (၁၉၉၄၊ ၁၉၉၈၊ ၂၀၂၃) (အကောင်းဆုံးအမျိုးသမီးဇာတ်ဆောင်ဆု)

ငယ်ဘဝ

၁၉၇၁ ခု၊ ဩဂုတ်လ ၃၁ ရက်တွင် ဗိုလ်မှူး စိုးမြင့်၊ ဒေါ်ကြည်ကြည်ခင်တို့မှ ရန်ကုန်၌ မွေးသည်။ မွေးချင်း ၄ ယောက်အနက် အကြီးဆုံး ဖြစ်သည်။ ညီမများဖြစ်သည့် စိုးမြတ်နန္ဒာ၊ စိုးမြတ်ကလျာ တို့သည်လည်းကောင်း၊ ဝမ်းကွဲညီမများဖြစ်သည့် စိုးပြည့်သဇင်၊ စန္ဒီမြင့်လွင် တို့သည်လည်းကောင်း အနုပညာသည်များ ဖြစ်သည်။

အနုပညာ လှုပ်ရှားမှု

၁၉၈၉ ခု၊ စက်တင်ဘာလတွင် ရုပ်ရှင်လောကထဲသို့ ရောက်ရှိလာသည်။ ^[၄]

ပါဝင်သော ဇာတ်ကားများ

ခေါင်းစဉ်	ရုံတင်နှစ်	ဒါရိုက်တာ	ဇာတ်ကောင်နေရာ	မှတ်ချက်
နော်ရင်မွှေး	၁၉၉၄	အောင်စိုးဦး	နော်ရင်မွှေး
ရွှေနံ့သာစံအိမ်	၁၉၉၈	မောင်နန္ဒ	ခွာညို

ရေးသားသော စာအုပ်များ

ခေါင်းစဉ်	ထုတ်ဝေနှစ်	ထုတ်ဝေသူ	မှတ်ချက်
အချစ်စစ်စစ်များ
မောင့်အတွက်
ယုံကြည်၍ ခံစားရသည်၊ ခံစားရ၍ ယုံကြည်
ချစ်မိတဲ့အခါ
အနားသတ်သစ္စာ
Feeling 35 [၅]

ရရှိခဲ့သော ဆုတံဆိပ်များ

ခုနှစ်	ဆု	ကဏ္ဍ	ရုပ်ရှင်	ရလဒ်
၁၉၉၄	မြန်မာ့ရုပ်ရှင်ထူးချွန်ဆု	အကောင်းဆုံး အမျိုးသမီး ဇာတ်ဆောင်	နော်ရင်မွှေး'	ဆုရရှိ
၁၉၉၈			ရွှေနံသာစံအိမ်	ဆုရရှိ
၂၀၀၇			အမေနှင့်သမီးများ	ဆန်ခါတင်
၂၀၀၈			ကြိုးတန်း	ဆန်ခါတင်
၂၀၀၉		အကောင်းဆုံး အမျိုးသမီး ဇာတ်ပို့	ကျောက်စက်ရေ	ဆန်ခါတင်
၂၀၁၂			လက်ပံ	ဆန်ခါတင်
၂၀၁၇			ကျွန်	ဆန်ခါတင်
၂၀၁၈	Star Award		ကျွန်	ဆန်ခါတင်
၂၀၂၃	မြန်မာ့ရုပ်ရှင်ထူးချွန်ဆု	အကောင်းဆုံး အမျိုးသမီး ဇာတ်ဆောင်	ဘယ်တော့မှ အရှုံးမပေးဘူး	ဆုရရှိ

၂၀၂၅ ခုနှစ်၊ ဇွန်လ ၂ ရက်နေ့တွင် ထုတ်ပြန်သော အမိန့်ကြော်ငြာစာအမှတ် (၉၅/၂၀၂၅) ဖြင့် စွမ်းဆောင်မှုဆိုင်ရာ ဂုဏ်ထူးဆောင်တံဆိပ်ဖြစ်သော လူမှုထူးချွန်တံဆိပ် (ပထမအဆင့်)ကို နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ မင်းအောင်လှိုင်က ချီးမြှင့်ခံရသည်။^[၆]