बलुचिस्तान, पाकिस्तान
From Wikipedia, the free encyclopedia
बलुचिस्तान (उर्दु: بلوچِستان) पाकिस्तानका चार प्रदेश मध्येको एक हो। भूमि क्षेत्रको हिसाबले यो सबैभन्दा ठूलो प्रदेश हो। यो देशको दक्षिण पश्चिमी क्षेत्र बनेको छ, तर सबैभन्दा कम जनसङ्ख्या भएको प्रदेश हो। यसको प्रादेशिक राजधानी र सबैभन्दा ठूलो सहर क्वेटा हो।
बलुचिस्तान
بلوچستان | |
---|---|
माथि देखि, बायाँ देखि दायाँसम्म: कायदे अजम निवास, हिङ्गोल राष्ट्रिय निकुञ्ज, चिल्तन हिमाल, हना ताल | |
निर्देशाङ्क: २७.७°N ६५.७°E / 27.7; 65.7 | |
देश | पाकिस्तान |
स्थापित | १ जुलाई १९७० |
प्रादेशिक राजधानी | क्वेटा |
सबैभन्दा ठूलो सहर | क्वेटा |
सरकार | |
• प्रकार | सङ्घीय सरकारको स्व-शासित प्रदेश |
• अङ्ग | बलुचिस्तान सरकार |
• प्रदेश प्रमुख | अमानुल्लाह खान यासिनजई,[1] पाकिस्तान तहरीके इन्साफ |
• मुख्यमन्त्री | जाम कमाल खान, बलुचिस्तान अवामी पार्टी |
• प्रमुख सचिव | अख्तर नाजिर |
• व्यवस्थापिका | प्रदेश सभा |
• उच्च अदालत | बलुचिस्तान उच्च अदालत |
क्षेत्रफल | |
• जम्मा | ३४७१९० किमी२ (१३४०५० वर्ग माइल) |
• क्रम | प्रथम |
जनसङ्ख्या | |
• जम्मा | १२३४३४०८ |
• क्रम | चौथा |
• घनत्व | ३६/किमी२ (९२/वर्ग माइल) |
वासिन्दा | बलुची |
समय क्षेत्र | युटिसी+०५:०० (पाकिस्तानी मानक समय) |
मुख्य भाषा(हरू) | |
उल्लेखनीय खेलकुद टोली | क्वेटा ग्वाडिटियर्स क्वेटा बेअर्स |
मानव विकास सूचकाङ्क (सन् २०१८) | ०.४७७ [4] न्युन |
राष्ट्रिय सभामा सिट | ३० |
प्रदेश सभामा सिट | ६५ |
विभाग | ७ |
जिल्ला | ३३ |
तहसील | १३४ |
सङ्घ परिषद् | ८६ |
वेबसाइट | www |
बलुचिस्तानले पञ्जाब र खैबर पख्तुनख्वासँग उत्तरपूर्वमा, पूर्व र दक्षिणपूर्वमा सिन्ध, दक्षिणमा अरब सागर, पश्चिममा इरान र उत्तर र उत्तर-पश्चिममा अफगानिस्तानसँग सिमाना बाँडेको छ।
यस प्रदेशका मुख्य जातीय समूहहरू बलुची र पश्तुनहरू हुन् जसले क्रमशः कुल जनसङ्ख्याको ५२% र ३६% ओगटेको (प्रारम्भिक २०११ को जनगणना अनुसार) छ। बाँकी १२% मा सिन्धी, पञ्जाबी, उज्बेकि र तुर्कमेन जस्ता अन्य बसोबास गर्ने स-साना समुदायहरू रहेका छन्।[5] "बलुचिस्तान" नामको अर्थ "बलुचहरूको देश" हो। धेरै हदसम्म कम विकसित, यसको प्रादेशिक अर्थव्यवस्था प्राकृतिक स्रोत, विशेष गरी यसका प्राकृतिक ग्याँस क्षेत्रहरूले प्रभुत्व जमाएको छ। यसले मध्यमदेखि दीर्घकालीन समयमा पाकिस्तानको माग आपूर्ति गर्न पर्याप्त क्षमता भएको अनुमान गरिएको छ। क्वेटा बाहेक यस प्रदेशको दोस्रो सबैभन्दा ठूलो सहर दक्षिणमा तुर्बत हो भने प्रमुख आर्थिक महत्वको अर्को क्षेत्र अरब सागरमा रहेको ग्वादर बन्दरगाह हो।
बलुचिस्तान आफ्नो अनुपम संस्कृति र मरुभूमिको अत्यन्तै सुक्खा हावापानीको लागि प्रख्यात छ। [6]