Administrativ inndeling i Ungarn

Den administrative inndelinga av Ungarn er stadfesta gjennom lov XCIII/2012^[1] og regjeringsdekret 218/2012^[2] med verknad frå 1. januar 2013 med nokre få seinare endringar.^[3]

Landet er delt inn i 19 fylke (vármegye)^[a] i tillegg til hovudstaden (főváros) Budapest.^[5] Dei 19 fylka er vidare delte inn i 174 distrikt (járás),^[6] medan Budapest er delt inn i 23 bydistrikt (kerület). Fram til 2013 var fylka delte inn i 173 underregionar (kistérség).

Innanfor kvart distrikt er busetnadene delt inn i fire typar:

• byar med fylkesrettar^[7] er hovudseta i kvart fylke og nokre få andre byar
• byar
• store landsbyar
• landsbyar

Statistiske regionar

Ungarn er òg delt inn i statistiske regionar (ungarsk statisztikai régió) utan administrative funksjonar. Sju regionar blei oppretta med grunnlag i lov 1996/XXI med seinare endringar i lov 1999/XCII.^[8][9] For statistiske føremål er regionane samla i tre storregionar på NUTS 1-nivå.

Merknader

1. Fram til 2022 brukte ein nemninga megye, men frå 1. januar 2023 tok ein i bruk den tradisjonelle nemninga vármegye.^[4]