Aftermath

Aftermath er eit album av The Rolling Stones frå 1966. Albumet var det store kunstnariske gjennombrotet for The Rolling Stones, og var det første albumet deira som berre bestod av songar skrivne av Mick Jagger/Keith Richards. Aftermath var òg det første Rolling Stones-albumet som berre vart spelt inn i USA, i legendariske RCA Studios i Hollywood i California og det første albumet bandet gav ut i stereo.

Aftermath Studioalbum av The Rolling Stones
Språk	engelsk
Utgjeve	15. april 1966
Innspelt	3–8. desember 1965, 6–9. mars 1966
Studio	RCA Studios, Hollywood i California
Sjanger	Rock, pop
Lengd	53:20
Selskap	Decca (UK)
Produsent	Andrew Loog Oldham
The Rolling Stones-kronologi
Out of Our Heads (1965)	Aftermath	Between the Buttons (1967)

Meldingar
Karakter
Kjelde	Karakter
AllMusic (UK)	[1]
AllMusic (US)	[2]
Blender	[3]
Encyclopedia of Popular Music	[4]
MusicHound	5/5[5]
Music Story	[6]
NME	7/10[7]
The Rolling Stone Album Guide	[8]

Albumet er òg kjend for den musikalske eksperimenteringa med Brian Jones som speler fleire forskjellige instrument som til då var uvanlege i rock. Mellom anna spelte han sitar på «Paint It, Black», appalachian dulcimer på «Lady Jane» og «I Am Waiting», marimba på «Under My Thumb» og «Out of Time», munnspel på «High and Dry» og «Goin’ Home», samt gitar og tangentinstrument.

Som med alle Stones-album før 1967, var utgåvene som kom ut i Storbritannia og USA forskjellige. Dette var vanlege for dei fleste britiske popalbum på denne tida – og same praksisen vart gjort med til dømes albuma til The Beatles før 1967. Dei britiske albuma inneheldt vanlegvis ikkje singlane som vart gjeve ut, medan desse var med på dei amerikanske utgåvene.

Den (originale) britiske utgåva av Aftermath kom ut i april 1966 som ein fjortenspors LP og dette vert generelt rekna som den definitive utgåva. Han kom mellom singlane «19th Nervous Breakdown» og «Paint It, Black», og vart ein stor hit i Storbritannia der han låg åtte veker på førsteplassen.

Den amerikanske utgåva kom i juni og hadde anna plateomslag og færre songar i ei anna rekkefølgje. Songar som mangla var «Out of Time», «Take It or Leave It», «What to Do» og «Mother’s Little Helper». Dei fire spora vart seinare gjeve ut i USA på andre samlingar, og «Mother’s Little Helper» var alt ute som singel i 1966, og nådde åttandeplass på Billboardlista. I staden for vart hitten «Paint It, Black» med på albumet. Den amerikanske utgåva nådde andreplassen på albumlista i USA. I 2002 vart den amerikanske utgåva av Aftermath rangert som det 108. beste albumet gjennom tidene av musikkmagasinet Rolling Stone.

Britisk utgåve

Den originale britiske utgåva av Aftermath kom ut i april 1966 med fjorten spor. Det kom ut mellom singlane «19th Nervous Breakdown» og «Paint It Black», som ikkje var med på albumet, og vart ein stor hit i Storbritannia med åtte veker på toppen av den britiske albumlista.

Innhald

Side ein

Nr.	Tittel	Lengd
1.	«Mother's Little Helper»	2:44
2.	«Stupid Girl»	2:56
3.	«Lady Jane»	3:08
4.	«Under My Thumb»	3:41
5.	«Doncha Bother Me»	2:41
6.	«Goin' Home»	11:13

Alle spor skrivne av Mick Jagger og Keith Richards

Side to

Nr.	Tittel	Lengd
7.	«Flight 505»	3:27
8.	«High and Dry»	3:08
9.	«Out of Time»	5:37
10.	«It's Not Easy»	2:56
11.	«I Am Waiting»	3:11
12.	«Take It or Leave It»	2:47
13.	«Think»	3:09
14.	«What to Do»	2:32

Nordamerikansk versjon

Aftermath Studioalbum av The Rolling Stones
Språk	engelsk
Utgjeve	20. juni 1966
Innspelt	3–8. desember 1965, 6–9. mars 1966
Sjanger	Rock, pop, rhythm and blues, psykedelisk rock
Lengd	42:31
Selskap	London (US)
Produsent	Andrew Loog Oldham
Amerikansk The Rolling Stones-kronologi
December's Children (And Everybody's) (1965)	Aftermath	Between the Buttons (1967)
Singlar frå Aftermath
«Paint It Black» Utgjeve: 7. mai 1966

Den amerikanske versjonen hadde eit anna plateomslag og var kortare. Songane «Out of Time», «Take It or Leave It», «What to Do» og «Mother's Little Helper» vart fjerna. Desse kom seinare ut i USA på andre samleplater, og «Mother's Little Helper» vart òg gjeven ut på singel i 1966 og nådde då åttandeplassen i USA.^[9] I staden for vart hitsingelen «Paint It, Black» inkludert. Denne utgåva av Aftermath nådde andreplassen på albumlista i USA og selde etter kvart til platinaplate.^[10]

Innhald

Side ein

Nr.	Tittel	Lengd
1.	«Paint It Black»	3:22
2.	«Stupid Girl»	2:56
3.	«Lady Jane»	3:08
4.	«Under My Thumb»	3:41
5.	«Doncha Bother Me»	2:41
6.	«Think»	3:09

Alle spor skrivne av Mick Jagger og Keith Richards

Side to

Nr.	Tittel	Lengd
7.	«Flight 505»	3:27
8.	«High and Dry»	3:08
9.	«It's Not Easy»	2:56
10.	«I Am Waiting»	3:11
11.	«Goin' Home»	11:13

Medverkande

Per den britiske utgåva:

The Rolling Stones

• Mick Jagger – solovokal (alle spor), korvokal (2, 7, 9-14), tamburin (2, 12), maracas (11), munnspel (5)
• Keith Richards – elektrisk gitar (1, 2, 4-7, 9, 10, 13, 14), korvokal (2, 7, 9-14), akustisk gitar (1, 3, 8, 9, 11, 12)
• Brian Jones – elektrisk gitar (5, 7, 10, 13), akustisk gitar (1, 2, 14), sitar (1), dulcimer (3, 11), munnspel (6, 8), marimba (4, 9), koto (12), bjøller (12)
• Bill Wyman – bassgitar (alle utanom 3)
• Charlie Watts – trommer (alle utanom 3)

Andre medverkande

• Jack Nitzsche – piano (1, 9), orgel (12), elektrisk piano (2), cembalo (3, 12), perkusjon (5), tamburin (6), maracas (6)
• Ian Stewart – piano (4-7, 14), orgel (2, 9, 10)

Salslister og salstrofé

Vekeslister

År	Liste	Plassering
1966	UK Albums Chart	1[11]
1966	Billboard 200	2[12]
1966	Franske SNEP-lista	25[13]

Singles

År	Single	Liste	Plassering
1966	«Paint It, Black»	UK Singles Chart	1[11]
1966	«Paint It, Black»	Billboard Hot 100	1[9]
1966	«Mother's Little Helper»	Billboard Hot 100	8[9]
1966	«Lady Jane»	Billboard Hot 100	24[9]
1990	«Paint It, Black»	UK Singles Chart	63[11]
2007	«Paint It, Black»	UK Singles Chart	70[11]
2010	«Paint It, Black»	Billboard Rock Digital Songs	25[9]

Salstrofé

Land	Selskap	Salstrofé
USA	RIAA	Platina