Alexandre Brongniart

Alexandre Théophile Brongniart (fødd 10. februar 1770 i Paris, død 7. oktober 1847 i Paris) var ein fransk kjemikar, mineralog og zoolog som samarbeidde med Georges Cuvier i eit studium av geologien i regionane kring Paris.

Alexandre Brongniart
Fødd	5. februar 1770 tidlegare 6. arrondissement i Paris
Død	7. oktober 1847 Paris, tidlegare 10. arrondissement i Paris
Nasjonalitet	Frankrike
Område	kjemi
Yrke	botanikar, geolog, kjemikar, mineralog, zoolog, universitetslærar, paleontolog, herpetolog, vitskapshistorikar, gruveingeniør
Alma mater	École nationale supérieure des mines de Paris
Ektefelle	Cécile Coquebert de Montbret
Barn	Adolphe Brongniart, Herminie-Caroline Brongniart, Mathilde-Émilie Brongniart
Medlem	Royal Society Société philomathique de Paris Deutsche Akademie der Naturforscher Leopoldina Kungliga Vetenskapsakademien Det franske vitskapsakademiet Société linnéenne de Normandie Det prøyssiske vitskapsakademiet Royal Society of Edinburgh Académie nationale de médecine Société géologique de France Société d'encouragement pour l'industrie nationale Det franske vitskapsakademiet Göttingens vitenskapsakademi

Familie og virke

Han var sonen til arkitekten Alexandre-Théodore Brongniart og faren til botanisten Adolphe-Théodore Brongniart.

Han vart fødd i Paris og vart instruktør for École de Mines (ein gruvedriftsskule) i Paris og direktør over porselensfabrikken i Sèvres. Han introduserte eit nytt system for klassifisering av reptilar og skreiv om mineralogi. Han laga òg ein stor studie av trilobittar og gjorde pionerarbeid til stratigrafi ved utviklinga av fossilkjenneteikn.

Han var også grunnleggjaren av det franske nasjonalmuseet for keramikk (Le musée national de Céramique), etter å ha vore direktør ved fleire porselensfabrikkar frå 1800 til 1847.

Bibliografi

• Brongniart, Alexandre. Traite des Arts Ceramique, ou des poteries considerees dan leur Histoire, Leur Pratique et leur Theorie. Paris. 2nd Ed. Rev. 1854

Kjelder

• Denne artikkelen bygger på «Alexandre Brongniart» frå Wikipedia på bokmål, den 6. mai 2010.
  • Wikipedia på bokmål oppgav desse kjeldene:
  • Rudwick, Martin J.S., Georges Cuvier, Fossil Bones, and Geological Catastrophes (The University of Chicago Press, 1997) ISBN 0-226-73106-5