Alsou

Alsu Ralifovna Abramova (fødd 27. juni 1983 i Bugulma i Tatarstan), òg kjend som Alsou, er ein tatarisk vokalist og skodespelar frå Russland som framfører melodiar på russisk, tatarisk og engelsk.^[1]

Alsou
Fødd	27. juni 1983 (42 år)
Fødestad	Bugulma
Fødenamn	russisk Алсу Ралифовна Абрамова, tatarisk Alsu Rälif qızı Abramova
Opphav	Russland, Storbritannia
Aktiv	1998–
Sjanger	pop, moderne R&B, synthpop
Instrument	piano, vokal
Plateselskap	Universal Music Group
Verka som	songar, modell, skodespelar, arrangementvert, programleiar
Far	Ralif Safin
Gift med	Jan R. Abramov
Born	Mikella Abramova
Prisar	Merited Artist of the Russian Federation, People's Artist of the Republic of Bashkortostan, People's Artistic Performer of the Republic of Tatarstan, Æret kunstner av republikken Tatarstan, World Music Awards, TEFI, Den gylne grammofon (Russland)

I Noreg og Europa vart Alsou kjend då ho representerte Russland i Eurovision Song Contest 2000 med songen «Solo». Songen enda på andreplass, bak danske Olsen Brothers og «Fly on the Wings of Love». I 2009 var Alsou ein av to programleiarar då Eurovision Song Contest vart arrangert i Moskva.^[2]

Alsou er dottera til Ralif Safin som var visepresident i LUKoil, tidlegare senator i republikken Altaj og medlem av Det russiske føderasjonsrådet.^[3][4][5] Ho spelte piano som barn og gjorde seg merka for songtalentet sitt allereie i tiårsalderen. I mars 2006 gifta Alsou seg med den russisk-jødiske musikaren Yan Abramov.^[6]