Ammonia Avenue

Ammonia Avenue er det sjuande studioalbumet av det britiske rockebandet The Alan Parsons Project, utgjeve av 7. februar 1984 av Arista Records. Phil Spector-aktige «Don't Answer Me» var den første singelen frå albumet, og nådde topp 15 på den amerikanske Billboard Hot 100 og Mainstream Rock Tracks-lista, i tillegg til fjerdeplassen på Adult Contemporary-lista. Singelen nådde òg topp 20 i mange andre land^[3] og var den siste store hitten til The Alan Parsons Project. «Prime Time» vart den neste singelen, men denne nådde berre 34. plassen i USA. «Since The Last Goodbye» vart ein mindre hitt.

Ammonia Avenue Studioalbum av The Alan Parsons Project
Språk	engelsk
Utgjeve	7. februar 1984
Innspelt	Midten av 1982 til seint i 1983
Studio	Abbey Road Studios i London i England
Sjanger	Progressiv rock poprock softrock
Lengd	39:58
Selskap	Arista
Produsent	Alan Parsons
The Alan Parsons Project-kronologi
Eye in the Sky (1982)	Ammonia Avenue	Vulture Culture (1984)
Singlar frå Ammonia Avenue
«Don't Answer Me» Utgjeve: Mars 1984

Meldingar
Karakter
Kjelde	Karakter
AllMusic	[1]
Rolling Stone	[2]

Ammonia Avenue var eit av dei bestseljande albuma deira og selde til gullplate i USA og nådde topp 10 på albumlistene i mange land.^[4]

Bakgrunn og utgjeving

Tittelen på albumet var inspirert av då Eric Woolfson vitja Imperial Chemical Industries (ICI) i Billingham i England, der det første han såg var ein veg med milevis med røyr, men ingen folk, ingen tre og eit skilt der det stod 'Ammonia Avenue'. Albumet fokuserer på mogelege misforståingar innan industriell, vitskapleg utvikling frå eit offentleg perspektiv og mangel på forståing av offentlegheita frå eit vitskapleg perspektiv.^[5] Albumet var det andre av tre bandet spelte inn med analogt utstyr men miksa direkte på eit digitalt masterlydband.

«You Don't Believe» var alt gjeve ut både som singel og som ein ny song i 1983 på The Best of The Alan Parsons Project.

Ammonia Avenue vart ommastra og gjeve ut på ny i 2008 med bonusspor.

Marknadsføring

Det vart laga musikkvideoar for «Don't Answer Me» og «Prime Time» i 1984, for sistnemnde med kunst og animasjon av MW Kaluta. Den sistnemnde videoen var inspirert av John Collier-soga «Evening Primrose» og består av to mannekengar, ein kvinneleg og ein mannleg, som kjem til liv og forelskar seg i kvarandre. Kring halvvegs uti videoen kan ein sjå gateskiltet med «Ammonia Ave.».

Innhald

Alle songar skrivne og komponerte av Alan Parsons og Eric Woolfson.

Side ein

Nr.	Tittel	Solovokal	Lengd
1.	«Prime Time»	Eric Woolfson	5:03
2.	«Let Me Go Home»	Lenny Zakatek	3:20
3.	«One Good Reason»	Eric Woolfson	3:36
4.	«Since the Last Goodbye»	Chris Rainbow	4:34
5.	«Don't Answer Me»	Eric Woolfson	4:11

Side to

Nr.	Tittel	Solovokal	Lengd
1.	«Dancing on a Highwire»	Colin Blunstone	4:22
2.	«You Don't Believe»	Lenny Zakatek	4:26
3.	«Pipeline» (instrumental)		3:56
4.	«Ammonia Avenue»	Eric Woolfson	6:30

Bonusspor på 2008-utgåva

Nr.	Tittel	Lengd
10.	«Don't Answer Me» (tidleg miks)	5:08
11.	«You Don't Believe (Demo)» (demo)	2:20
12.	«Since the Last Goodbye» (vokal overdubbing av Chris Rainbow)	0:28
13.	«Since the Last Goodbye» (guide-vokal av Eric)	4:24
14.	«You Don't Believe» (instrumental hyllest til The Shadows)	3:06
15.	«Dancing on a Highwire/Spotlight» (tidleg miks)	3:55
16.	«Ammonia Avenue Part 1» (demovokal av Eric)	2:40
17.	«Ammonia Avenue» (overdub med orkester)	1:22

Medverkande

• Ian Bairnson – elektrisk og akustisk gitar
• Colin Blunstone – vokal
• Mel Collins – saksofon
• Stuart Elliott – perkusjon, trommer
• Alan Parsons – Fairlight-programmerring
• David Paton – bass
• Andrew Powell - orkesterarrangement og dirigent
• Chris Rainbow – vokal
• Eric Woolfson – alle klaverinstrument, vokal
• Lenny Zakatek – vokal
• Christopher Warren-Green - leiar for The Philharmonia Orchestra
• Storm Thorgerson - design

Salslister

År	Liste	Plassering
1984	The Billboard 200	15
1984	UK Albums Chart	24
1984	Australske album[6]	16
1984	Canada	29
1984	Frankrike	18
1984	Noreg	5
1984	Spania (AFYVE)	2
1984	Nederland[7]	1

Salstrofé

Region	Salstrofé	Salstal
Canada (Music Canada)[8]	Gull	50 000^
Frankrike (SNEP)[9]	Platina	500,800[10]
Tyskland (BVMI)[11]	Gull	250 000^
Nederland (NVPI)[12]	Gull	50 000^
USA (RIAA)[13]	Gull	500 000^
^salstala er basert på sertifiseringa aleine xuspesifserte tal er baserte på sertifiseringa aleine