Andrine

Andrine er eit kvinnenamn, danna av Andreas, som tyder 'mann', og den kvinnelege namneendinga -ine. Namnedagen blir feira 3. juli i Noreg.

Namnet er mellom anna kjend i Danmark og Noreg. Det var mykje brukt på 1600- og 1700-talet, særleg på Austlandet, Nord-Noreg og i Møre og Romsdal,^[1] men gjekk nesten ut av bruk i løpet av 1900-talet.^[2] Bruken tok seg med eitt kraftig opp mot slutten av hundreåret, før han minka igjen rundt byrjinga av 2000-talet. 1. januar 2004 var det 978 kvinner som hadde Andrine som første fornamn i Noreg. I 2015 var talet stige til 1 596.^[3] I Danmark er namnet derimot særs sjeldan, med 6 namneberarar i 2015.^[4]

Namneberarar

• Andrine Sæther (f. 1964), norsk skodespelar
• Andrine Flemmen (f. 1974), norsk alpinist
• Andrine Hegerberg (f. 1993), norsk fotballspelar

Annan bruk

• Andrine og Kjell er roman av Gisken Wildenvey frå 1934
• Andrine og Kjell er ein film frå 1952.

Liknande namn

• Andrea
• Andreana
• Andrette
• Andri, Andria, Andriana
• Andrielle
• Andrienne
• Andrietta