Antti Ruuskanen

Antti Hermanni Ruuskanen (fødd 21. februar 1984) er ein finsk spydkastar frå Pielavesi som vart europemister i øvinga i 2014 og vann bronsemedaljen under dei olympiske leikane 2012 og ved europameisterskapen 2016.

Antti Ruuskanen
Statsborgarskap	Finland
Fødd	21. februar 1984 (41 år) Pielavesi
Idrett	friidrett
Tok del i	Friidrett under Sommer-OL 2012 – Spydkast herrer, Friidrett under Sommer-OL 2016 – Spydkast menn, EM i friidrett 2018 – Spydkast menn

Karriere

Ruuskanen kom på sjetteplass under VM i friidrett 2009 i Berlin med eit bestekast på 81,87. Tre år seinare vann han bronsemedaljen i spydkast under Sommar-OL 2012 i London, ein knapp halvmeter bakom overraskingsmannen, gullvinnaren Keshorn Walcott.

Etter å ha vorte nummer fem då VM i friidrett 2013 fann stad i Moskva, viste Ruuskanen seg som den suverent beste spydkastaren under EM i friidrett 2014. Han tok leiinga i fyrste omgang med 83,81 m, la på til 86,85 i andre omgang, før han i tredje omgang sende spydet avgarde 88,01 meter, eit kast som var tre meter lengre enn det nokon annan utøvar makta prestere.

Ruuskanen forbetra sin personlege spydrekord til 88,98 meter då han vart finsk meister i Pori 2. august 2015.

Antti Ruuskanen i 2014

Medaljar og plasseringar i internasjonale meisterskap

• VM 2009 i Berlin: Nr 6 – 81,87 m
• VM 2011 i Daegu: Nr 9 – 79,46 m
• OL 2012 i London: Bronsemedalje – 84,12 m, bakom Oleksandr Pjanytzja (84,51 m)
• VM 2013 i Moskva: Nr 5 – 81,44 m
• EM 2014 i Zürich: Gullmedalje – 88,01 m, framom Vítězslav Veselý (84,79 m)
• VM 2015 i Beijing: Nr 5 – 87,12 m
• EM 2016 i Amsterdam: Bronsemedalje – 82,44 m
• OL 2016 i Rio de Janeiro: Nr 6 – 83,05 m
• EM 2018 i Berlin: Nr 6 – 81,70 m
• VM 2019 i Doha: Utslått i kvalifiseringa (75,05 m=nr 28)

Kjelder

• Denne artikkelen bygger på «Antti Ruuskanen» frå Wikipedia på engelsk, den 12. august 2015.
• Denne artikkelen bygger på «Antti Ruuskanen» frå Wikipedia på finsk, den 12. august 2015.

• World Athletics